YOVI 23 - Embimbiliya - Bíblia Sagrada em Umbundu

¹ Oco Yovi wa kumbulula hati,

² Letaili le okulisiõsiõla kuange ku kuete esumuo. Ndaño ndi litetela haimo eka liaye lopo lia mbuila.

³ Nda nda kũlĩhile oku ndu sanga okuti mitila komangu yaye!

⁴ Nda ndo lomboluila ondaka yange loku yukisa omẽla wange olosembi.

⁵ Nda nda yeva ndomo a ñumbulula, loku kuliha alomboluilo evi a popia lame.

⁶ Eye he nda wa tamãlala lame lunene wolohõlo viaye? Hacoko, nda wa njevelela.

⁷ Oko ukuesunga o tẽla oku somba laye, kuenje njovoka longanji yange oloneke ka vi pui.

⁸ Tala, ngenda kovaso, puãi eye ka kasiko. Ngenda konyima, puãi siu lete.

⁹ Ndu sandiliyila kepĩli, puãi ka molẽha. Ndu sandiliyila kondio, puãi siu mõli.

¹⁰ Eye puãi wa kũlĩha onjila yange. Eci a njengulula nunda ndeci ulu.

¹¹ Omãi yange ya kuama volomãi viaye. Nda pita vonjila yaye, sia yapukilemo.

¹² Sia sinile ovihandeleko viomẽla waye. Olondaka viomẽla waye nda vi soleka vutima wange.

¹³ Puãi eye ka pongoloka. Helie o tẽla oku pongoluisa utima waye? Eci a yongola oco a linga.

¹⁴ Momo o malusula eci a nukuila kuenje ovina via lua ndevi vi kasi vutima waye.

¹⁵ Oco ndo yokokela. Eci ndu sokolola o ndinga usumba.

¹⁶ Suku wa honguisa utima wange. Tõlo wa ndinga usumba.

¹⁷ Omo owelema wa ñuala ocingonja, owelema wosito wa sikĩlĩla ocipala cange.