YOVI 13 - Embimbiliya - Bíblia Sagrada em Umbundu

¹ Tala, iso liange lia ci mõla cosi. Etui liange lia ci yeva kuenje lia ci limbuka.

² Eci wa kulihi lamevo nda ci kuliha. Ame si sule okuti ene wa velipo.

³ Puãi njongola oku vangula la Tõlo, njongola muẽle oku likumbulula la Suku.

⁴ Ene puãi vulonoño viuhembi. Vosi yene vulondotolo viesanda.

⁵ Nda ca tavele okuti wuhi nda co kuatisi oku kuata olondunge.

⁶ Kaliye, yevi ekumbululo liange. Yeveleli eci ndu kisiki.

⁷ Ene hẽ, vu popela Suku evi viuhembi? Vu u popela evi vielimbi?

⁸ Vu u kuatela esumbilo liesanda? Vu tundila Suku olunda?

⁹ Ci kala ciwa lene eci eye u moñololi? Vu tẽla oku u limbika ndeci omunu a limbika omunu?

¹⁰ Eye ka kambi oku u tembuli nda vuyombeki vu u fendela esanda.

¹¹ Uwale waye hẽ ko vu lingisa usumba? Usumba vu u kuetele hẽ ka u vu wila?

¹² Olosapo viene olosapo vietiko. Ovimbaka viene ovimbaka vieve.

¹³ Uhi, ngeci, mopie. Cosi ci njiyilila ciye.

¹⁴ Ame numbakaliyoke, haime nai lomuenyo peka.

¹⁵ Tala, o njipaya, elavoko likuavo si kuete, haimo, nanẽla ovituwa viange kovaso aye.

¹⁶ Eyovo liange lieli okuti, hamunu uviko weya kokuaye.

¹⁷ Yeveleli lutate kolondaka viange. Ondaka yange yu yevali.

¹⁸ Tala! nda pongiya ale ondaka yange. Ndi ci okuti njovoka.

¹⁹ Helie o sombisa? Momo, nda kuli u o sombisa ame nguha kuenje nula omuenyo.

²⁰ Nda pinga kokuove ovina vivali kuenje nda o vi ndingila si lisalamisa kokuove.

²¹ Mosi, njupe eka liove, li kale ocipãla lame. Vali, ocinjoko coku ku yokokela ka ci keye kokuange.

²² Eci o vi ndinga mbilikiye kuenje hu kumbulula. Pamue tava okuti mopia, love o nambulula.

²³ Olohõle viange viñami pamue akandu ange? Ndomboluile olohole viange lakandu ange.

²⁴ Ocipala cove wa ci vundisila nye? Nye o nendela ndunyali wove?

²⁵ O livela oku yokokisa emela li enda lofela? O livela oku landula ovisaikiti?

²⁶ Momo o soneha olondaka vi lula oku mindika, kuenje o miñalisa olohõle viutila wange.

²⁷ O kapa olomãi viange vukumbi. O lavekela olonjila viange viosi. O kapela olomãi viange ongave.

²⁸ Omunu o nyõlẽha ndocina ca vola, pamue nduwalo u liwa leteta.