YEREMIYA 45 - Embimbiliya - Bíblia Sagrada em Umbundu

¹ Uprofeto Yeremiya wa popia la Baruki, omõla a Neriya, eci a sonẽha olondaka via tunda komẽla wa Yeremiya. Ca kala kunyamo wakuãla wa Yehoyakimi, omõla a Yosiya, Soma ya Yuda. Wa popia hati,

² A Baruki, Yehova, Suku ya Isareli, wa popia love, hati,

³ Ove wa popia huti, Ngongo yange we! Kolongembia viange Yehova wa vokinyako esumuo. Nda kava loku leña leña kuange kuenje si sangi epuyuko.—

⁴ Eci o popia laye ceci, huti, Ca popia Yehova ceci, hati, Tala, eci nda tunga ndi ci tungulula, leci nda tuika ndi ci tukũla, okuti ofeka yosi.

⁵ Ove nga o lisandela ovina vinene ove muẽle? Ku ka vi sande, momo, tala, nenẽla omanu vosi ũvi. Ove puãi, omuenyo wove huiha ndohuate yovita kuosi wenda. Oco ca popia Yehova.