YEHOSUA 21 - Embimbiliya - Bíblia Sagrada em Umbundu

¹ Oco akulu vapata a va Lewi veya kocitunda Eleasara kuenda ku Yehosua, omõla a Nune, lokakulu vapata a va Isareli.

² Va vangula lavo ko Silo, vofeka ya Kanana, vati, Yehova wa sapula lomela wa Mose oku tu iha ovaimbo ha tu tumalamo, kumue lovisenge viao ha mu lila oviunda vietu.

³ Oco kocipiñalo cavo, va Isareli va tepelako va Lewi ovaimbo a kumue lovisenge viao, ndomo Yehova a ci sapuile.

⁴ Ocela ca veta apata a va Kohata. Oco kepata lia Yuda, lokepata lia Simeone, lokepata lia Benjamini, va Lewi vaco omãla vocitunda Arone, va tambulako ovaimbo ekui la atatu, loka imba ocela.

⁵ Kepata lia Efarimi, lokepata lia Dani, lokonepa yepata lia Manase, omãla vakuavo va Kohata va tambulako ekui liovaimbo, loku imba ocela.

⁶ Kepata lia Isakare, lokepata lia Asiere, lokepata lia Nafitali, lokonepa yepata lia Manase ko Basiane, va Gerisiono va tambulako ovaimbo ekui la atatu, loku imba ocela.

⁷ Kepata lia Ruvene, lokepata lia Gadi, lokepata lia Sevulono, va Merari, va tambulako ovaimbo ekui la avali, ndapata avo.

⁸ Ovaimbo andeti kumue lovisenge viao, va Isareli va a eca ku va Lewi loku imba ocela, ndomo Yehova a ci handelekele lomẽla wa Mose.

⁹ Kepata lia va Yuda, lokepata lia va Simeone, va va ihako ovaimbo andeti a tukuiwa konduko.

¹⁰ Hao a tiamela ku va Arone, limue povapata a va Kohata, okuti va Lewi, momo ovo ocela ca veta tete.

¹¹ Va va iha Kiriyata Ariba, hailio Hevrone, kolomunda via Yuda, kumue lovisenge viaco via ñualako. Ariba eye isia ya Anaki.

¹² Puãi ovapia imbo kumue lovikanjo vialio a eciwa ku Kalembe, omõla a Yefune, ha a lingi aye.

¹³ Va Arone va va iha Hevrone, hailio imbo liocitililo comondi, kumue lovisenge viaco, la Livina kumue lovisenge viaco:

¹⁴ la Yatiri kumue lovisenge viaco, lEsitemo kumue lovisenge viaco;

¹⁵ la Holone kumue lovisenge viaco, la Deviri kumue lovisenge viaco;

¹⁶ la Ayini kumue lovisenge viaco, la Yuta kumue lovisenge viaco, la Bete Siemese kumue lovisenge viaco. Ovaimbo ecea a tunda kapata aco avali.

¹⁷ Kepata lia Benjamini kua tunda Giveone kumue lovisenge viaco, la Geva kumue lovisenge viaco;

¹⁸ la Anatote kumue lovisenge viaco, la Alimone kumue lovisenge viaco. Ovaimbo akuãla.

¹⁹ Ovaimbo osi a va Arone, ovitunda, a soka ekui la atatu kumue lovisenge viaco.

²⁰ Va Lewi va tiamela kapata akuavo a va Kohata, va tambula ovaimbo a tunda kepata lia Efarimi, loku imba ocela.

²¹ Va va iha Sekeme, hailio imbo liocitililo comondi, kolomunda via Efarimi, kumue lovisenge viaco, la Gesere kumue lovisenge viaco;

²² la Kivisayi kumue lovisenge viaco, la Bete Horone kumue lovisenge viaco. Ovaimbo akuãla.

²³ Kepata lia Dani, kua tunda Eliteke kumue lovisenge viaco, la Gibetoni kumue lovisenge viaco;

²⁴ Ayalone kumue lovisenge viaco, la Gati Rimone kumue lovisenge viaco. Ovaimbo akuãla.

²⁵ Konepa yepata lia Manase kua tunda Taanake kumue lovisenge viaco, la Gati Rimone kumue lovisenge viaco. Ovaimbo avali.

²⁶ Ovaimbo osi apata akuavo a va Kohata a soka ekui liovaimbo kumue lovisenge viaco.

²⁷ Va Gerisiono, limue povapata a va Lewi, va va ĩha Golane ko Basiane, hailio imbo liocitililo comondi, kumue lovisenge viaco, la Bisitera kumue lovisenge viaco. Ovaimbo avali, okonepa yepata lia Manase.

²⁸ Kepata lia Isakare kua tunda Kiriono kumue lovisenge viaco, la Daverati kumue lovisenge viaco;

²⁹ la Yarimuti kumue lovisenge viaco, la Engani kumue lovisenge viaco. Ovaimbo akuãla.

³⁰ Kepata lia Asiere, Misiale kumue lovisenge viaco, la Avidone kumue lovisenge viaco;

³¹ La Helikati kumue lovisenge viaco, la Rehova kumue lovisenge viaco. Ovaimbo akuãla.

³² Kepata lia Nafitali, Kedesi ko Galilea hailio imbo liocitililo comondi kumue lovisenge viaco, la Hamoti Dore kumue lovisenge viaco, la Karitana kumue lovisenge viaco. Ovaimbo atatu.

³³ Ovaimbo osi a va Gerisiono, ndapata avo, a soka ekui la atatu kumue lovisenge viao.

³⁴ Va Lewi vakuavo, va tiamela kapata a va Merari, va va iha ovaimbo a tunda kepata lia Sevulono, ya: Yokineama kumue lovisenge viaco, la Karita kumue lovisenge viaco;

³⁵ la Dimena kumue lovisenge viaco, la Nahalali kumue lovisenge viaco. Ovaimbo akuãla.

³⁶ Kepata lia Ruvene, Becere kumue lovisenge viaco, la Yahaca kumue lovisenge viaco;

³⁷ la Kedemoti kumue lovisenge viaco, la Mefaata kumue lovisenge viaco. Ovaimbo akuãla.

³⁸ Kepata lia Gadi, Ramote ko Gileada, hailio imbo liocitililo comondi, kumue lovisenge viaco, la Mahanayi kumue lovisenge viaco;

³⁹ la Hesibone kumue lovisenge viaco, la Yasere kumue lovisenge viaco. Ovaimbo akuãla.

⁴⁰ Ovaimbo a osi a tiamela ku va Merari, ndapata avo, ndokuti apata akuavo a va Lewi. Ocela cavo ca veta ovaimbo ekui la avali.

⁴¹ Ovaimbo osi a va Lewi vokati kofeka ya va Isareli, a soka akuĩ akuãla lecelala, kumue lovisenge viao.

⁴² Imbo limbo lia ñualiwa lovisenge vialio. Ovaimbo aco osi a kala ndoco.

⁴³ Oco Yehova wa eca ku va Isareli ofeka yosi a lisilile oku yeca kolosekulu viavo. Yu va yi tambula kuenje va tungamo.

⁴⁴ Yehova wa va muisa epuyuko kolonele viosi, ndeci a lisilile lolosekulu viavo. Lomue povanyali vavo wa litamalala lavo, momo Yehova wa eca ovanyali vavo vosi povaka avo.

⁴⁵ Polondaka viosi viwa Yehova a popelele epata lia Isareli, layimue ya kambapo. Viosi muele via suisuapo.