YEHOSUA 19 - Embimbiliya - Bíblia Sagrada em Umbundu

¹ Ocela cavali ca veta Simeone, ndokuti va Simeone, ndapata avo. Ocipiñalo cavo ca kala vokati kocipiñalo ca va Yuda.

² Ocipiñalo cavo ceci: Bereseva, Seva, Molada;

³ Hasare Siuale, Bala, Eceme;

⁴ Elitolada, Betule, Horima;

⁵ Cikilage, Bete Makavoti, Hasare Sosa;

⁶ Bete Levaote, Siaruhene. Ovaimbo ekui la atatu kumue lovikanjo viao.

⁷ Ayini, Rimone, Etere, Asiana. Ovaimbo akuãla kumue lovikanjo viao.

⁸ Lovikanjo viosi va ñuala kovaimbo aco, toke ko Baalati Bete, hailio Rama yoko Sul. Eci oco ocipiñalo ca va Simeone, ndapata avo.

⁹ Ocipiñalo ca va Simeone ca tepiwa kofeka ya va Yuda. Omo ofeka ya va Yuda ya va luila enene, oco va Simeone va tambula ocipiñalo vokati kocipiñalo cavo.

¹⁰ Ocela catatu ca veta va Sevulono, ndapata avo. Ongave yocipiñalo cavo ya pitila toke ko Saridi.

¹¹ Ongave yaco ya lamanela kutakelo, toke ko Marala, ya pita ko Davesete lokolui lu kasi kutundilo wa Yokineami.

¹² Oku tunda ko Saridi, ya ñualela kutundilo wekumbi, toke kongave ya Kisilote Tavore.

¹³ Oku tundako ya enda ko Daverati, ya lamanela ko Yaviya. Yu ya loña kutundilo, ko Gati Hefere lo kEtikacine. Yamako ko Rimone, kuenje ya ñualela ko Nea.

¹⁴ Ko Norte, ongave ya ñualela ko Hanatoni, yu ya sulila kocimbota ca Yifitayele.

¹⁵ Kuenda vali Katati, Nahalali, Simerone, Idala, Beteleme, ovaimbo ekui la avali kumue lovikanjo viao.

¹⁶ Eci oco ocipiñalo ca va Sevulono, ndapata avo, ndokuti ovaimbo aco kumue lovikanjo viao.

¹⁷ Ocela cakuala ca veta Isakare, ndokuti va Isakare, ndapata avo.

¹⁸ Ovaimbo ovolongave viavo, ya: Yesirele, Kesuloti, Siuneme;

¹⁹ Hafarayi, Sioni, Anaharati;

²⁰ Rabiti, Kisione, Ebese;

²¹ Remete, Engani, Enihada, Bete Parece.

²² Ongave ya pitavo ko Tavore, loko Siahacuma loko Bete Siemese, yu ya sulila ko Yordão. Ovaimbu ekui lepandu kumue lovikanjo viao.

²³ Eci oco ocipiñalo ca va Isakare, ndapata avo, ndokuti ovaimbo aco kumue lovikanjo viao.

²⁴ Ocela catalo ca veta va Asiere, ndapata avo.

²⁵ Ovaimbo ovolongave viavo, ya: Helikati, Hali, Betene, Akisafe;

²⁶ Alameleke, Amada, Misiale. Kutakelo ongave yaco ya pita ko Karimele loko Sihore Livinata.

²⁷ Noke ya ñualela kutundilo toke ko Bete Dagone, ya pita ko Sevulono lokocimbota ca Yifitayele, ko norte ya Betemeke la Neyele, ya loña ko Norte toke ko Kavulu,

²⁸ lo kEvirone, la Rehova la Hamono, la Kana, toke ko Sitono yinene.

²⁹ Noke ongave ya ñualela ko Rama, toke ko Turo, imbo lia pamisua lovimbaka. Noke ya ñualela ko Hosa, kuenje ya sulila kokalunga. Kuenda vali Malaba, Akisiva,

³⁰ Uma, Afeke, Rehova. Ovaimbo akui avali la vali kumue lovikanjo viao.

³¹ Eci oco ocipiñalo ca va Asiere, ndapata avo, ndokuti ovaimbo aco kumue lovikanjo viao.

³² Ocela cepandu ca veta va Nafitali, ndapata a va Nafitali.

³³ Ongave yavo yopisa ko Helefe, kocinendele coko Canani, lo kAdami Nekeve, la Yavinele, toke ko Lakumu. Kuenje ya sulila ko Yordão.

³⁴ Ongave yaco ya ñualela kAsinote Tavore, kutakelo, kuenje ya enda ko Hukoko. Ya pitila ko Sul, ko Sevulono lo kAsiere, kutakelo, loko Yuda. Kutundilo kua kala Yordão.

³⁵ Ovaimbo a pamisua lovimbaka, ya: Sidi, Sere, Hamati, Rakati, Kineroti;

³⁶ Adama, Rama, Hasore;

³⁷ Kedesi, Edirei, Eni Hasore;

³⁸ Irone, Migidalele, Horema, Betanate, Bete Siemese. Ovaimbo ekui lecea kumue lovikanjo viao.

³⁹ Eci oco ocipiñalo ca va Nafitali, ndapata avo, ndokuti ovaimbo kumue lovikanjo viao.

⁴⁰ Ocela cepanduvali ca veta va Dani, ndapata avo.

⁴¹ Ovaimbo ovolongave viavo, ya: Sora, Esitaole, Irisiemese;

⁴² Sialabine, Ayalone, Yitila;

⁴³ Eloni, Timina, Ekirone;

⁴⁴ Eliteke, Gibetoni, Baalata;

⁴⁵ Yehuda, Bene Beraka, Gati Rimone;

⁴⁶ Meyarikone, Rakone kumue longave ya lisuñama la Yopa.

⁴⁷ Olongave via va Dani via sambukilavo kuiñi. Momo va Dani va katuka, yu va liyaka la Lesieme, va li kuata kuenje va li kundula lomela wosipata. Va li tambula, yu va tungamo, kuenje va luka Lesieme vati. Dani, ndonduko ya isiavo Dani.

⁴⁸ Eci oco ocipiñalo ca va Dani, ndapata avo, ndokuti ovaimbo aco kumue lovipiñalo viao.

⁴⁹ Eci va mala oku tepa tepa ofeka kovipiñalo, kumue lolongave viayo, oco va Isareli va iha Yehosua, omõla a Nune, ocipiñalo pokati kavo.

⁵⁰ Ndocihandeleko ca Yehova, va wiha imbo lina a pinga, ndokuti Timinata Sera, liokolomunda via Efarimi. Eye wa tunga vali imbo liaco, kuenje wa tumalamo.

⁵¹ Evi ovio ovipiñalo via tepa tepa ocitunda Eleasara, la Yehosua, omõla a Nune, kumue lakulu vapata a va Isareli. Va ci linga locela kovaso a Yehova, ko Silo, kuvelo wombalaka yoku ñualehela la Yehova. Oco va malusula oku tepa tepa ofeka.