YEHOSUA 15 - Embimbiliya - Bíblia Sagrada em Umbundu

¹ Ocela comala va Yuda, ndapata avo, ca veta ko Sul, toke kongave yEdome, toke kekalasoko lia Sina, kesukiyo lioko Sul.

² Ongave yavo yoko Sul yopisa kosungu yokalunga komongua, tunde kocihondoloka ca imba ovaso ko Sul.

³ Ya pita ko Sul yowulu wa Akirabi, ya pita ko Sina, ya lamanela ko Sul ya Kadesi Barnea, ya vambala ko Hecirone, ya lamanela kAdara, ya konda ko Kariba,

⁴ ya pita kAsimone, ya vambala kolui luEgito, kuenje ya sulila vokalunga. Eyi oyo ongave yene yoko Sul.

⁵ Okalunga komongua, oko ka linga ongave yokutundilo, toke kasango a Yordão. Ko Norte, ongave yaco yopisa kocihondoloka cokalunga, kasango a Yordão.

⁶ Ongave yaco ya lamanela ko Bete Hogila, ya pita ko Norte ya Betarava, yu ya kandulukila kewe lia Bohana, omõla a Ruvene.

⁷ Ongave yaco, oku tunda kocimbota ca Akore, ya lamanela ko Deviri, ya loña ko Norte loku imba ovaso ko Giligali, lia lisuñama lowulu wa Adumi, ko Sul yolui. Ongave yaco ya vambala kovava a Enisiemese, kuenje ya sulila kEnrogeli.

⁸ Ongave ya lamana locimbota comõla a Hinoma, konele yo Sul ya Yevusi, haiyo Yerusalãi. Ya kandulukila kilu liomunda, yi kasi kovaso yocimbota ca Hinoma, kutakelo, kesukiyo liocimbota ca va Refaimi, ko Norte.

⁹ Oku tunda kilu liomunda, ongave yaco ya loña kono yovava a Nefitoa, noke ya enda toke kovaimbo okomunda ya Efirone, Kuenje ya konda ko Baala, haiyo Kiriyata Yeari.

¹⁰ Oku tunda ko Baala, ongave yaco ya ñualela komunda Seire, ya pita konele yo Norte yomunda Yeari, haiyo Kesalone, kuenje ya lokila ko Bete Siemese, yu ya vambala ko Timina.

¹¹ Ongave yaco ya enda toke konele yo Norte yomunda Ekirone, Noke ya konda ko Sikerone, yu ya pita komunda Baala, kuenje ya loña ko Yavinele. Noke ya sulila vokalunga.

¹² Okalunga kanene oko ka linga ongave yokutakelo. Evi ovio olongave via ñuala va Yuda, ndapata avo.

¹³ Kalembe, omõla a Yefune, Yehosua wo tepela onepa yaye pokati ka va Yuda, ndomo Yehova a sapuilile Yehosua. Wa wiha Kiriyata Ariba, haiyo omunda Hevrone. Ariba eye isia ya Anaki.

¹⁴ Kalembe wa tundisako omala vatatu va Anaki, Sesai la Ahimana la Talimai, omãla va Anaki.

¹⁵ Wa tundako, yu wa katukila olonungi via Deviri. Osimbu ale Deviri ya tukuiwile Kiriyata Sefere.

¹⁶ Kalembe hati, U o yula Kiriyata Sefere ha li tambula, nda wiha omõlange Akisa ha lingi ukãi waye.

¹⁷ Otiniyele, omõla a Kenasi, manja a Kalembe, eye wa li kuata. Kuenje wa wiha omõlaye Akisa ha lingi ukãi waye.

¹⁸ Eci Akisa eya, wo peya, oku pinga epia ku isiaye. Oco Akisa wa kolomoha kocimbulu caye, kuenje Kalembe wo pula hati, O yongola nye?

¹⁹ Eye hati, Nyiheko ombanjaile. Omo wa ñapa vofeka yoko Sul, nyihekovo olono viovava. Kuenje Kalembe wa wiha olono viokonano, lolono viokombuelo.

²⁰ Ocipiñalo comala va Yuda, ndapata avo. Ca kala ndomo:

²¹ Ovaimbo a tiamela kepata liomala va Yuda, ana a kala ko Sul, oku panda kongave ya Edome, ya: Kavicele, Edere, Yaguru;

²² Kina, Dimona, Adada;

²³ Kedesi, Hasore, Yitinana;

²⁴ Sife, Teleme, Bealoti;

²⁵ Hasore Hadata, Keriote Hecirone, hailio Hasore;

²⁶ Amama, Sema, Molada;

²⁷ Hasare Gada, Hesimone, Bete Pelete;

²⁸ Hasare Siuale, Bereseva, Bisiyotiya;

²⁹ Baala, Iyi, Eseme;

³⁰ Elitolada, Kesili, Horima;

³¹ Cikilage, Madimana, Sanisama;

³² Levaote, Silihi, Ayini kuenda Rimone. Ovaimbo osi a soka akui avali lecea, kumue lovikanjo viaco.

³³ Vetapi mua kala Esitaole, Sora, Asiena;

³⁴ Sanoha, Engani, Tapuha, Ename;

³⁵ Yarimuti, Adulama, Soko, Aseka;

³⁶ Siarai, Aditai, Gedera, Gederotai. Ovaimbo ekui la akuãla kumue lovikanjo viao.

³⁷ Cenana, Hadasia, Migidali Gadi;

³⁸ Dileana, Misipe, Yoketele;

³⁹ Lakisi, Bosekata, Egilone;

⁴⁰ Kabono, Lahimama, Kitilisi,

⁴¹ Gederoti, Bete Dagone, Naama, Makeda. Ovaimbo ekui lepandu kumue lovikanjo viao.

⁴² Livina, Etere, Asiana;

⁴³ Yifita, Asiena, Nesivi;

⁴⁴ Keila, Akisivi, Maresia. Ovaimbo ecea kumue lovikanjo viao.

⁴⁵ Ekirone kumue lovaimbo lovikanjo viaco.

⁴⁶ Tunde kEkirone toke kokalunga, ovaimbo osi a kala konele ya Asidode, kumue lovikanjo viao.

⁴⁷ Asidode kumue lovaimbo lovikanjo viaco; Gasa kumue lovaimbo lovikanjo viaco; toke kolui luEgito lokokalunga kanene, haiko ka linga ongave.

⁴⁸ Vofeka yolomunda, Siamiri, Yatiri, Soko;

⁴⁹ Dana, Kiriyata Sana, hailio Deviri;

⁵⁰ Anava, Esitemo, Animi;

⁵¹ Gosene, Holone, Gilo. Ovaimbo ekui lamosi kumue lovikanjo viao.

⁵² Arava, Duma, Esiana;

⁵³ Yanimi, Bete Tapuha, Afeka;

⁵⁴ Humita, Kiriyata Ariba, hailio Hevrone, Siyore. Ovaimbo ecea kumue lovikanjo viao.

⁵⁵ Maona, Karimele, Sife, Yuta;

⁵⁶ Yesirele, Yokideama, Sanoha;

⁵⁷ Kayimi, Givea, Timina. Ekui liovaimbo kumue lovikanjo viao.

⁵⁸ Halihulu, Bete Cure, Gedore;

⁵⁹ Maarati, Betanote, Elitekone. Ovaimbo epandu kumue lovikanjo viao.

⁶⁰ Kiriyata Baale, hailio Kiriyata Yeari, kuenda Raba. Ovaimbo avali kumue lovikanjo viao.

⁶¹ Vekalasoko, Betarava, Midini, Sekaka;

⁶² Nivisiane, limbo liomongua kuenda Engedi. Ovaimbo epandu kumue lovikanjo viao.

⁶³ Puãi omala va Yuda ka va tẽlele oku tundisa va Yevusi, olonungi via Yerusalãi. Oco va Yevusi va tunga kumue lomala va Yuda vo Yerusalãi, toke etaili lilo.