YEHOSUA 12 - Embimbiliya - Bíblia Sagrada em Umbundu

¹ Olosoma viofeka, vina va Isareli va yula yu va piñala ofeka yavio kesinya lia Yordão kutundilo, tunde kolui Arinone toke komunda Herimone, letapi liosi liokutundilo,

² olonduko viavio vievi: Sihoni, Soma ya va Amori, una wa tunga ko Hesibone. Eye wa viala onepa yimue ya Gileada, tunde kAroere, konele yolui Arinone, tunde pokati kocimbota toke kolui Yavoke, hailuo ongave ya va Amoni.

³ Wa vialavo etapi liosi toke kokalunga ka Kineroti, kutundilo, toke kokalunga koketapi, haiko okalunga komongua, kutundilo, konjila yoko Bete Yesimoti, loko Sul vepato lia Pisiga.

⁴ Kuenda Oge, Soma ya Basiane, wa supile pova Refayimi, haeye wa tunga kAsitarote lo kEdirei.

⁵ Wa viala komunda Herimone, loko Saloka loko Basiane yosi, toke kongave ya va Gesiuri la va Maakati, lokonepa ya Gileada, kongave ya Sihoni, Soma ya Hesibone.

⁶ Mose, ukuenje wa Yehova, kumue la va Isareli, va va yula. Kuenje ofeka yavo, Mose, ukuenje wa Yehova, wa yeca ku va Ruvene la va Gadi, lokonepa yepata lia Manase, ha yi lingi yavo.

⁷ Olosoma viofeka, vina Yehosua kumue la va Isareli va yula kesinya lilo lia Yordão, kutakelo, tunde ko Baale Gade kocimbota ca Levanone toke muẽle komunda Halaka, ocipepi la Seire. Ofeka yavo Yehosua wa yeca kapata a va Isareli, ha yi lingi yavo, epata lepata lonepa yalio.

⁸ Wa va tepela kolomunda, lovovimbota, lovatapi, lovapato olomunda, lovekalasoko, loko Sul, ofeka ya va Hiti la va Amori la va Kanana la va Perisi la va Hiwi la va Yevusi,

⁹ Olosoma viaco vievi: Osoma ya Yeriko, yimue. Osoma ya Hai, yi lisungue la Betele, yimue.

¹⁰ Osoma ya Yerusalãi, yimue. Osoma ya Hevrone, yimue.

¹¹ Osoma ya Yarimuti, yimue. Osoma ya Lakisi, yimue.

¹² Osoma ya Egilone, yimue. Osoma ya Gesere, yimue.

¹³ Osoma ya Deviri, yimue. Osoma ya Gedere, yimue.

¹⁴ Osoma ya Horima, yimue. Osoma ya Arade, yimue.

¹⁵ Osoma ya Livina, yimue. Osoma ya Adulama, yimue.

¹⁶ Osoma ya Makeda, yimue. Osoma ya Betele, yimue.

¹⁷ Osoma ya Tapuha, yimue. Osoma ya Hefere, yimue.

¹⁸ Osoma ya Afeke, yimue. Osoma ya Lasiarone, yimue.

¹⁹ Osoma ya Madone, yimue. Osoma ya Hasore, yimue.

²⁰ Osoma ya Simirone Merono, yimue. Osoma ya Akisafe, yimue.

²¹ Osoma ya Taanake, yimue. Osoma ya Megido, yimue.

²² Osoma ya Kedesi, yimue. Osoma ya Yokiniami ko Karimele, yimue.

²³ Osoma ya Dori, kolomunda via Dori, yimue. Osoma ya va Goya ko Giligali, yimue.

²⁴ Osoma ya Tirisa, yimue. Olosoma viosi via tela akui atatu la yimosi.