VA KOLOSAI 4 - Embimbiliya - Bíblia Sagrada em Umbundu

¹ Ene a va cime, tati apika vene lesunga lesunguluko. Ivaloki okuti lenevo vu kuete Cime cene o kasi kilu.

² Pandikisi loku likutilila. Eci vu likutilila, lavululi, kuenje kali lolopandu.

³ Nda pingavo okuti vu tu likutilila etu, oku likutilila okuti Suku o tu yuluila epito lioku kunda ondaka, ha tu lombolola elumbu lia Kristu hailio ñasilili vokayike.

⁴ Liñutilili okuti ndi yi lombolola ciwa ndeci ca mosokela oku yi lombolola.

⁵ Kali lolondunge eci vu kasi la vakualuali. Popeli otembo, ka yi ka peseke ño.

⁶ Upopi wene u kale lumbombe loku singiwa lomongua, okuti vu kumbulula ciwa omunu omunu wo puli cimue.

⁷ Tukiko u sapuili cosi comuenyo wange. Eye manjetu wa soliwa, haeye oñuatisi ya koleliwa. Tu kasi pamosi vupange woku vumba Ñala,

⁸ Oco ndo tumila kokuene okuti ene vu kũlĩha ndomo tu kasi, kuenje eye o vu lembeleka kovitima.

⁹ Ndo tuma la Onesimo, eye manjetu wa koleliwa haeye wa soliwa. Eye wene ale. Ovo vo sapuila cosi ca pita kulo.

¹⁰ Aristarko o kasi lame kumandekua wa tuma oku vu lama. Kuenje Marko, ocimumba ca Barnaba,— wo yevi ale ndomo tuo lombolola, nda iya, u tambuli,—

¹¹ la Yesu, haeye Justo, lavovo vo lami. Ovo lika vakuevamba tu kasi lavo vupange wusoma wa Suku. Ovo va ñolaisa ocili.

¹² Ukuẽle u Kolosai, Epafra, haeye ukuenje wa Kristu Yesu, wo lami. Eye ka liweka oku vu likutalaila okuti vu talama ngo vocipango ca Suku loku linga ndomanu vendamba vetavo lia Kristu, nda kuiya nye, nda kuiya nye.

¹³ Ndu wimbila uvangi okuti wo litumbikili ca lua, wa litumbikilavo va Laodikea la va Hierapoli.

¹⁴ Luka, ondotolo ya soliwa, kuenda Dema, lavovo vo lami. Kalungi.

¹⁵ Ecivo ovilamo viange ku va Laodikea, kuenda ku Numfa lekongelo lia Kristu li kasi vonjo yaye.

¹⁶ Eci wa tangi ale ukanda ulo, vo tume okuti u tangiwilavo va Laodikea. Tangivo ukanda wange nda tumile ko Laodikea.

¹⁷ Kuenda vali sapuili Arkipo, hoti, Tẽlisa ciwa ocikele cupange wa tambula ku Ñala.

¹⁸ Ame ndi Paulu soneha leka liange muẽle ocilamo cilo. Ivaluki alienge ange. Ocali ci kale lene.