SAKARIYA 13 - Embimbiliya - Bíblia Sagrada em Umbundu

¹ Keteke liaco kepata lia Daviti lolonungi via Yerusalãi ku tombokela ono yovava a va yelisa kakandu avo kuenda kokuliña kuavo.

² Ca popia Yehova ceci, hati, Eteke liaco njupa vofeka olonduko vioviteka okuti ka vivalukiwa vali. Njupavo vofeka ovaprofeto vesanda lutima wevĩho.

³ Kuenje nda umue o mõlẽha hati, Nduprofeto, isiaye la inaye vo cita va popia laye vati, Ku kala lomuenyo momo o popia popia uhembi vonduko ya Yehova. Kuenje isiaye la inaye vo cita vo toma eteke a imba owanji nduprofeto.

⁴ Eteke liaco uprofeto wosi o kuatela osõi ovinjoinjoi viaye eci imba owanji nduprofeto. Ka wala vali onanga yovonya oku viaviaya.

⁵ Puãi o popia hati, Siuprofetoko. Ndingunja. Momo tunde kutila wange ndukuakulima osi.

⁶ Kuenje nda umue u pula hati, Apute okonyima yove hẽ, a nye? eye o kumbulula hati, Apute aco nda a sanga vonjo yakamba vange.

⁷ Asipata! Somõhẽla ungombo wange una o kasi ocipepi lame. Oco ca popia Yehova Ukualohoka. Mbeta ungombo okuti olomeme vi sandoka. Ndaño otumeme tutito ndi tu vetavo.

⁸ Ca popia Yehova ceci, hati, Kofeka yosi olonepa vivali vi tepiwako kuenje vi nyõlẽha. Onepa yimosi yi supapo yi kala lomuenyo.

⁹ Kuenje onepa yaco ndi yi pitisa vondalu. Ndi va yelisa ndoku yelisa opalata, loku va nyika ndoku nyika ulu. Va vilikiya onduko yange kuenje ndi va kumbulula. Ndinga siti, Ovo omanu vange. Lovo va popia vati, Yehova eye Suku yange.