OLOSAPO 9 - Embimbiliya - Bíblia Sagrada em Umbundu

¹ Ndunge wa tunga onjo yaye, wa sembika olomanji viaye epanduvali.

² Wa ipaya ovinyama viaye, wa angiliya ovinyu, wa yala omesa yaye.

³ Wa tuma afeko vaye, ha va vilikiya koviwulu vimbo, vati,

⁴ U ka lungukile a pambukile palo. O popia lava ka va kuete olondunge hati,

⁵ Enjui, u liko kombolo yange, u nyuiko kovinyu nda tenga.

⁶ Tinduki kuveke ha vu kala lomuenyo. Endeli vonjila yolondunge.

⁷ U o lemẽla ukuetombo o sanga atuka, lu o pisa ondingaĩvi o tondalawa.

⁸ Ku ka lemẽle ukuetombo sanga o ku suvuka. Lemela ukualondunge kuenje o ku sola.

⁹ Longa ukualondunge kuenje eye amamako kolondunge. Longisa ukuesunga kuenje eye amamako kukũlĩhiso.

¹⁰ Oku sumbila Yehova oko efetikilo liolondunge. Oku kũliha Suku o kola oko uloño.

¹¹ Momo kokuange oloneke viove vi ka luila, kuenje anyamo ove a vokiyilua.

¹² Nda wa kuata olondunge wa vi likuatela ove muẽle. Nda wukuetombo puãi, ngongo yove!

¹³ Ukãi ukuesanda o yuela ño, wa pua olondunge, ka kũlĩha osõi.

¹⁴ O yotaila puvelo wonjo yaye. O tumayala kovivulu viovimbo,

¹⁵ ha vilakaiya ava va vinjuka, haivo va pita ombamba,

¹⁶ hati, Wosi wa pua olondunge a pambukile palo. O popia lu ka kuete olondunge hati,

¹⁷ Ovava a iviwa o-o a sõsa. Ombolo ya liwa uyombeki oyo yi pepa.

¹⁸ Puãi o ka ci okuti ava va fa ale haiko va kasi, ka civo okuti akombe vaye va kasi valondo onjembo.