OLOSAPO 4 - Embimbiliya - Bíblia Sagrada em Umbundu

¹ Ene amãla, yevi alungulo aso. Yeveleli ho kuata uloño.

² Ame ndu wihi alungulo a posoka. Ko ka si ovilongua viange.

³ Eci nda kala omõla, haime ndimõla ongunga ku maĩ, nda endaenda la tate,

⁴ yu wa ndongaisa hati, Utima wove u patekele olondaka viange. Linga ovihandeleko viange oco o mõla omuenyo.

⁵ Ku ka ivaleko, ndaño oku sia, olondaka viomẽla wange. Kuata olondunge kuenda uloño.

⁶ Ku ka vi yanduluke oco vi ku vetatela. Vi sola oco vi ku tata tata.

⁷ Efetikilo liolondunge lieli, kuata olondu nge. Pesela cosi o kuete hu kuata olondunge.

⁸ Vi kemainya kuenje viu ku amisako. Vi patekela kuenje viu ku sumbisa.

⁹ Vi futisa utue wove ocifuto ca posoka. Vi ku muisa ekolowa liulamba.

¹⁰ Yevelela, amõlange, tava kolondaka via nge, oco anyamo omuenyo wove a lua.

¹¹ Nda ku longisila vonjila yolondunge. Nda ku songuila valila esunga.

¹² Eci wenda omai yove ka yi tatekiwa. Ndaño o lupuka ku lilondoka.

¹³ Kuata kalungulo, ku ka a ece vali; a patekela omo o-o omuenyo wove.

¹⁴ Ku ka wile vonjila yolondingaĩvi, ndaño oku endela vonjila ya vakuevĩho.

¹⁵ Yi yuvula, ku ka pitemo. Yi pitãhãla, kuende ño.

¹⁶ Omo ovo ka va pekela te va linga cĩvi. Va pumba otulo te va lueyisa umue.

¹⁷ Va lialia ombolo yi tunda kevĩho. Va nyuanyua ovinyu vi tunda kemande.

¹⁸ Onjila yondingesunga ya soka ndocinyi congula, camamako kokutua toke ca linga utanya.

¹⁹ Onjila yolondingaĩvi ya soka ndowelema. Ka vi lete eci vi lipunduka laco.

²⁰ Amõlange, tava kolondaka viange. Vonguila etui kalungulo ange.

²¹ Ka vi ka ku limbe ño. Vi patekela vutima wove.

²² Momo ovio omuenyo wava va vi sanga, haivio uhayele watimba avo.

²³ Lava utima wove lepandi, omo kokuawo oko ku tunda olono viomuenyo.

²⁴ Imbapo umamohe vomela wove. Olondaka viesanda vi kale ocipãla love.

²⁵ Ovaso ove a vanje kovaso, a suñame muẽle miu!

²⁶ Kũlĩhisa ciwa onjila yolomai viove, oco olongenda viove viosi vi sunguluke.

²⁷ Ku ka pengele kondio ndaño kepĩli. Tindula omãi yove kũvi.