OLOSAPO 16 - Embimbiliya - Bíblia Sagrada em Umbundu

¹ Ovisimilo viutima vi kasi komunu, puãi etambululo lielimi li tunda ku Yehova.

² Olonjila viosi viomunu vi yela kovaso aye muẽle, puãi Yehova o setaeka ovitima.

³ Kundika ku Yehova ovilinga viove, oco evi o sokiya vi lemulũha.

⁴ Ovina viosi Yehova wa vi lulikila, eci upange waco, eci upange waco, ndaño ondingaĩvi leteke liohali yaye.

⁵ Yehova o nyale ukuepela, ocili muẽle, ka pumbi oku yambuiwa.

⁶ Ohole yimiwa lohenda locili. Oku sumbila Yehova ku yuvuisa omunu evĩho.

⁷ Nda olonjila viomunu vi sanjuisa Yehova, ndaño ovanyãli vaye o linalisa lavo.

⁸ Citito kumue lesunga ca velapo; ukuasi wa lova kumue lesanda, ci sule.

⁹ Utima womunu u panga onjila yaye, Yehova puãi endisa olomai viaye.

¹⁰ Omẽla wosoma ombulungu, ondaka yaye ka yi lueya vekanga.

¹¹ Ombalãsa yocili lomesaliso ovio via Yehova. Ovawe oku pesalisa lao la-ovo upange waye.

¹² Olosoma vi nyale oku linga evĩho, momo omangu yi kolisua lesunga.

¹³ Olosoma vi sanjukila omẽla wesunga, vi sole ukuakupopia ocili.

¹⁴ Onyeño yosoma omunga yokufa. Ukualondunge o livondela.

¹⁵ Konjelo yocipala cosoma kuli omuenyo; ocame caye ca soka ndelende liombela yohalula.

¹⁶ Ca velapo cimue oku kuata olondunge, ulu u sule; ocili, oku nola uloño ca posoka cimue, opalata yi sule.

¹⁷ Elila liukuesunga li yuvula evĩho. U o lava lava onjila yaye o popela omuenyo waye.

¹⁸ Kovaso yepela ku iya oku nyolẽha, kovaso yutima unene ku iya oku kupuka.

¹⁹ Ca velapo oku unjuka pokati kolohũkui; oku lianjela la vakuepẽla vimue via pundiwa hacoko.

²⁰ U o tava kondaka o sumũlũha; lu o kolela Yehova o sanjuka.

²¹ U wa loñoloha vutima o tukuiwa ukualondunge; olondaka via posoka vi amisako elongiso.

²² Olondunge ovio ono yomuenyo ku o vi kuete; uveke owo eyambulo liaveke

²³ Utima wukualondunge u longaisa omẽla waye, ho vokiya uloño kolondaka viaye.

²⁴ Olondaka via posoka via soka ndocingo cowiki, vi sõsa kutima, vi kolisa akepa.

²⁵ Ku li onjila yimue yi mõlẽha komunu okuti ya suñama, efulilo liayo puãi olio onjila yi panda kokufa.

²⁶ Ondingupange yi litalavayela oyo muẽle. Onjala oyo yu vetiya.

²⁷ Omunu ũvi o sima sima evĩho, olondaka viaye vi kakula ndondalu.

²⁸ Ocimbinde ci sanomola ovama; ocisokui ci tepisa akamba vocili.

²⁹ Ukuemande o yonja ukuavo, u songuila vonjila hayiwako.

³⁰ U o pata ovaso aye o sokiya ovina vĩvi. U o muniha komẽla waye o lemulula evĩno.

³¹ Owele ocifuto culamba ca sangiwa vomuenyo wesunga.

³² U o livala konyeño wa velapo, ocindululu ci sule. U o pokuisa utima waye wa velapo, u o kuata imbo o sule.

³³ Ocela ca imbiwa pokati komanu, olonimbu viaco viosi puãi vi tunda ku Yehova.