OLOSAMO 98 - Embimbiliya - Bíblia Sagrada em Umbundu

Osamo

¹ Imbili Yehova ocisungo cokaliye, momo eye wa lingainga ovikomo. Eka liaye liondio lokuokuo kuaye ku kola vio muisa eyulo.

² Yehova wa tukulula eyulo liaye. Wa lekisa ciwa esunga liaye kovaso olofeka.

³ Wa ivaluka ocisola caye ka ci pui kuenda ocili caye cokepata lia Isareli. Asukiyo osi oluali a mõla eyulo lia Suku yetu.

⁴ Uluili Yehova, aluali luosi. Tendeki loku imba lonjolela. Imbi ovisungo viesivayo.

⁵ Imbili Yehova ovisungo viesivayo lohalupa, lohalupa, londaka yocisungo ca posoka.

⁶ Lolombeta locileñi combinga. Sambiliyi Yehova, eye Soma, lelaka lionjolela.

⁷ Okalunga kõle, lovina viosi vie yukamo, haico oluali, lava va tungamo.

⁸ Olondui vi pandole lovaka avio. Olomunda vi imbile pamosi lonjolela

⁹ kovaso a Yehova, momo iya oku tetuluila olofeka. O tetuluila oluali lesunga, kuenda olofeka lolonimbu via sunguluka.