OLOSAMO 96 - Embimbiliya - Bíblia Sagrada em Umbundu

¹ Imbili Yehova ocisungo cokaliye. Imbili Yehova, ene alofeka viosi.

² Imbili Yehova, panduli onduko yaye. Lombololi eyovo liaye eteke leteke.

³ Sapuli ulamba waye kolofeka, lovikomo viaye pokati komanu vosi.

⁴ Momo Yehova unene, kuenje wa posokela esivayo lia piãla. Wa posokela esumbilo lia piãla, okuti olosuku viosi ci sule.

⁵ Olosuku viosi viomanu ovina viaño, Yehova puãi wa lulika ilu.

⁶ Kovaso aye ku li ulamba lunene. Vonembele yaye mu li upami lunumbu.

⁷ Tukuli Yehova, ene apata omanu. Tukuili Yehova ulamba lupami.

⁸ Tukuili Yehova ulamba wa posokela onduko yaye. Neni ocilumba. Iñili vovitali viaye.

⁹ Fendeli Yehova luwalo u kola. Lulumili kovaso aye, alofeka viosi.

¹⁰ Sapuili olofeka hoti, Yehova o viala. Oluali, laluovo lua kola, ka lu sengiwa. O tetuluila olofeka lesunga.

¹¹ Ilu li sanjuke. Ongongo yi yolele. Okalunga kõle, lovina viosi vie yukamo.

¹² Usenge ulule, levi viosi vi kasimo. Oviti viosi viesisi vi imbile ovisungo vionjolela

¹³ kovaso a Yehova, momo iya, momo iya oku tetuluila oluali, O tetuluila olofeka lesunga, lomanu locili caye.