OLOSAMO 95 - Embimbiliya - Bíblia Sagrada em Umbundu

¹ Kokeli, tu imbili Yehova ovisungo. Tu uluili ewe lieyovo lietu.

² Tu kokeli kokuaye lolupandu, tu wimbili lonjolela ovisungo viesivayo.

³ Momo Yehova eye Suku yinene, haeye Soma yinene ya piãla olosuku viosi.

⁴ Peka liaye pa kasi olohondongolo violuali. Olonumbuko violomunda laviovo viaye.

⁵ Okalunga kaye, momo eye wa ka lulika. Ovaka aye a wunga ongongo.

⁶ Kokeli, tu fendeli loku petama. Tu kekameli kovaso a Yehova, utungi wetu.

⁷ Momo eye Suku yetu, letu tumanu vaye, o tu lisa lisa, haetu tulomeme vi songuilua leka liaye. Ndi livela nda vu yeva etali ondaka yaye, yokuti,

⁸ Ko ka tĩlisi ovitima viene ndoko Meriva, pamue ndeteke lina ko Masa vekalasoko,

⁹ eci olosekulu viene via seteka, kuenje via nyika, ndaño via mõla ale ovilinga viange.

¹⁰ Akui akuãla kanyamo nda nyehula ocitumbulukila caco. Nda linga siti, Vovitima viomanu vaco muli lika oku lueya. Ka va kũlĩha olonjila viange.

¹¹ Oco nda lisinga lonyeño siti, Ka va iñila vowusa wange.