OLOSAMO 90 - Embimbiliya - Bíblia Sagrada em Umbundu

ELIVULU LIAKUÃLA

Elombelo lia Mose, omunu wa Suku.

¹ A Yehova, ove wucitungilo cetu, tunde kovitumbulukila viosi.

² Eci olomunda ka via citiwile handi; osimbu kua lulikile handi ongongo loluali; tunde ka ku ci toke ka ku ci, ove muẽle Suku.

³ O tiuwiya omunu keve. O lingainga huti, Tiukili, amãla vomanu.

⁴ Ocili, kovaso ove ohulukãi yalima ya soka nda hẽla lia pita, ndotembo va lendaela vuteke.

⁵ O va kungulula ndendunde. Va soka ndotulo. Omele va soka ndowangu wa kula.

⁶ Omele u talala, u yova, oñolosi u keluiwa, uvuka.

⁷ Ocili, tua liwa lonyeño yove. Tua tokotelua lokutema kuove.

⁸ Wa tumbika olongole vietu kovaso ove, akandu etu uyombeki kocinyi cocipala cove.

⁹ Ocili, oloneke vietu viosi vi pita pita lonyeño yove. Tu malusula anyamo etu ndoku tula omuenyo.

¹⁰ Oloneke vietu kulo kilu lieve vi tẽla akui epanduvali kanyamo, pamue, mekonda liongusu, akui ecẽlãla kanyamo. Haimo lumue upami wao upange lika, lesumuo. Momo u nyõleha ndopo kuenje tu taka.

¹¹ Elie wa kũlĩha ongusu yonyeño yove lokutema kuove ndesumbilo lia ku sesamẽla?

¹² Tu longise oku tenda ciwa oloneke vietu, okuti tu liupilako ovitima violondunge.

¹³ Tiukako, a Yehova. Toke pi? Linga ohenda akuenje vove.

¹⁴ Tu kutise omele locisola cove ka ci pui, ha tu yolela loku sanjuka oloneke vietu viosi.

¹⁵ Tu sanjuise okuti, koku tenda, oloneke viesanju vi lisoka loloneke wa tu suvalisa, kuenda okuti, alima esanju a lisoka lalima tua tala ohali.

¹⁶ Upange wove u molẽhe kovakuenje vove, lunene wove we yuka ulamba u molẽhe komãla vavo.

¹⁷ Unu wa Yehova Suku yetu u kale letu. Tu kolisile upange wovaka etu. Ocili, kolisa upange wovaka etu.