OLOSAMO 87 - Embimbiliya - Bíblia Sagrada em Umbundu

Osamo ya va Kora. Ocisungo.

¹ Komunda yi kola oko kuli imbo a sovola.

² Yehova o sole ca velapo olombundi via Siono, olonjo viosi via Yakoba ci sule.

³ Ovina via posoka vi ku vanguiwila, a imbo lia Suku.

⁴ Nukula Egito la Bavulono pokati kava va ñulĩha. Tala Filisiti, la Turo, kuenda Etiopia. Va popia vati, U haiko a citiwila.

⁵ Kuenje va tukula Siono, vati, Ngandi la ngandi wa citiwilamo; momo Tõlo eye muẽle o li kolisa.

⁶ Yehova, eci a soneha omanu, o tukula ngandi hati, Oko a citiwila.

⁷ Ava va imba lava va cĩla va linga vati, Olono viange viosi vi kasi kokuove.