OLOSAMO 70 - Embimbiliya - Bíblia Sagrada em Umbundu

Kusongui wolonjimbi. Osamo ya Daviti. Yimbiwa eci va lumba ocilumba conjivaluko.

¹ A Suku, mopele. A Yehova, yayulako oku ngohela.

² Ava va livela oku monda va kutiwe osõi, va sakalaisue. Ava va livela oku mbalula va konduiwe, va tombiwe.

³ Lava va popia vati, Co pepa, co pepa, va sakalaile osõi yavo.

⁴ Vosi va ku sanda va yolele, va ku sanjukile. Lava va sole epopelo liove va popie popie ño-o, hũ, vati, Suku a pandiyiwe.

⁵ Ame puãi ndihukui, haime ndisuke. Yayulako oku iya kokuange, a Suku. Ove uñuatisi yange haive upopeli wange. A Yehova, ku ka lende.