OLOSAMO 61 - Embimbiliya - Bíblia Sagrada em Umbundu

Kusongui wolonjimbi. Cimbiwa kumosi lovisikilo viovikolo. Osamo ya Daviti.

¹ A Suku, yeva evilikiyo liange. Tava kokulikutilila kuange.

² Tunde kesukiyo lioluali hu vilikiya eci utima u teka. Songuile kewe lia miãla oku lepa.

³ Momo ove vucitililo cange, haive vumbonge ya kola yoku puluka kunyali.

⁴ Tava okuti ñala vombalaka yove oloneke ka vi pui. Ndi livela oku wunda velolo liavava ove.

⁵ Momo wa yeva olohuminyo viange, a Suku. Wa nyiha ocipiñalo cava va sumbila onduko yove.

⁶ Luisa oloneke viomuenyo wa Soma. Anyamo aye a pitile kovitumbulukila viosi.

⁷ A tumãle hũ kocalo caye cuviali kovaso a Suku. Kundika ocisola cove ka ci pui kuenda ocili cove okuti vi u lava.

⁸ Oco njimbila hũ onduko yove ovisungo viesivayo, eci nẽlisa olohuminyo viange eteke keteke.