OLOSAMO 6 - Embimbiliya - Bíblia Sagrada em Umbundu

Kusongui wolonjimbi. Osamo ya Daviti, yimbiwa kumosi lovisikilo viovikolo. Yimbiwa la vakuandaka.

¹ A Yehova, ku ka nemele lonyeño yove. Ku ka njambule lokutema kuove kua sanya.

² Ndinge ohenda, a Yehova, momo nda pekengua. A Yehova, sakule, momo akepa ange a yokoka.

³ Utima wange lawovo wa sakalala cimue. Puãi ove, a Yehova,— toke eteke lipi?

⁴ Tiuka, a Yehova, popela omuenyo wange. Silamele mekonda liocisola cove ka ci pui.

⁵ Momo pokufa ka pa kuete oku ku ivaluka. Vonjembo o ku panduila helie?

⁶ Nda kava loku leña leña. Ovoteke osi asuẽlela a pita vula wange ndendunde. Njulisa ula lokulila kuange.

⁷ Iso liange lia kupa loku lila, lia vuvala lelaviso liovanyali vange vosi.

⁸ Ene vosi, alondingaĩvi, nundi, momo Yehova wa yeva ondaka yokulila kuange.

⁹ Yehova wa yeva okulomba kuange. Yehova o tava kokulikutilila kuange.

¹⁰ Ovanyali vange vosi va kutiwa osõi, va sakalala cimue. Va tiukako, ndopo va kutiwa osõi.