OLOSAMO 54 - Embimbiliya - Bíblia Sagrada em Umbundu

Kusongui wolonjimbi. Cimbiwa kumosi lovisikilo viovikolo. Osamo ya Daviti yoku sokoluisa. Ya sonehiwa eci va Sife va ka sapuilile Saulu vati, Daviti wa salama pokati ketu.

¹ A Suku, mopele, londuko yove. Netele onimbu yoku njovuisa lunene wove.

² A Suku, yeva okulikutilila kuange. Vonguila etui kolondaka viomela wange.

³ Momo vakuakulituna va ñatukila, vakuakuyokokisa va sanda omuenyo wange. Suku ka vo kapeleko.

⁴ Ame puãi, Suku eye oñuatisi yange. Yehova eye o kolisa omuenyo wange.

⁵ O fetuluinya ovanyali vange. Va nyõla locili cove.

⁶ Hu lumbila ocilumba cocipango. A Yehova, manduila onduko yove, momo ya posoka.

⁷ Momo wa mopela kohali yosi. Ovaso ange a mola eci ca wila kovanyali vange.