OLOSAMO 47 - Embimbiliya - Bíblia Sagrada em Umbundu

Kusongui wolonjimbi. Osamo ya va Kora.

¹ Kuati kolomandu, amanu vosi. Vilikiyi Yehova londaka yoku ulula.

² Momo Yehova Tõlo o linga usumba, haeye osoma yinene yi viala oluali luosi.

³ Eye wa tu tundisila omanu, haeye wa kapa olofeka vemehi liolomai vietu.

⁴ Eye wa tu nolela ocipiñalo cetu, haico ca linga esanju lia Yakoba una a sole.

⁵ Suku wa londa loku wuluila olongulu, Yehova loku u sikila olumbeta.

⁶ Imbili Suku asivayo, imbi asivayo. Imbili Soma yetu asivayo, imbi asivayo.

⁷ Momo Suku eye Soma yilu lieve liosi. Imbi ovisungo viasivayo.

⁸ Suku wa viala olofeka. Suku wa tumãla kocalo caye ci kola.

⁹ Olosoma via vakualofeka viongoloka ha vi lingi omanu va Suku ya Avirahama. Momo oviteyuilo viokilu lieve via Suku. Eye wa kemãla cimue.