OLOSAMO 32 - Embimbiliya - Bíblia Sagrada em Umbundu

Osamo ya Daviti. Osamo yi sokoluisa.

¹ Wa sumũlũha u okulueya kuaye kua eceliwa kuenda ekandu liaye lia tuvikiwa la Suku.

² Wa sumũlũha omunu Yehova ko veta eko, kuenda vutima waye ka mu li elimbi.

³ Osimbu sia litavelele akandu ange etimba liange lia hongua, omo nda liyula ño-o eteke liosi.

⁴ Momo utanya luteke eka liove lia nema. Okutalala kuange kua pongoloka okukukuta kuokuenye.

⁵ Nda likekembela kokuove ekandu liange. Ongole yange sia yi limbikile. Nda linga siti, Ndi likekembela ku Yehova okulueya kuange, kuenje wa njupa evĩho liekandu liange.

⁶ Oco wosi ukuesunga a likutilile kokuove, kuenje, ndaño ohali yi linga ndendunde, haimo ovava aco ka a pitila kokuaye.

⁷ Ove wuciwundilo cange haive o silamela kohali. O sitikapo lovisungo vieyovo.

⁸ Hu longisa, hu imbaimba onumbi yonjila wenda. Hu lungula, hu imba ovaso.

⁹ Ku ka linge ndokavalu pamue ndomula ka vi kuete olondunge. Atama avio a posokela oku kutiwa lolelia lovikapa viayo, momo nda hacoko ka vi pokola kokuove.

¹⁰ Ohali yondingaĩvi ya lua; puãi ocisola ka ci pui ca Yehova ci ñuala u u kolela.

¹¹ Yoleli Yehova. Nyamuli, ene wakuesunga. Ululi, ene vosi wakuavitima via sunguluka.