OLOSAMO 3 - Embimbiliya - Bíblia Sagrada em Umbundu

Osamo ya Daviti eci a tila omõlaye Avisalome.

¹ A Yehova, ovanyali vange va lua cimue! Ava va ñatukila va lua.

² Va lua va fuanguila omuenyo wange, vati, Suku yaye ko kuatisa.

³ Ove puãi, a Yehova, wuciyepelo ci mbindikiya; wulamba wange, haive wukuakumetula kutue.

⁴ Mbilikiya Yehova lolukandi, kuenje eye o nambuluila komunda yaye yi kola.

⁵ Ndi liyala posi, ndi pekela otulo, ndi pasuka, momo Yehova ukuakuñuatisa.

⁶ Si yokokela ekui liolohulukãi viomanu va ñatukila loku ñuala ocingonja.

⁷ Votoka, a Yehova. Mopele, a Suku yange. Momo o veta ovanyali vange vosi katama, o teya ovayo olondingaĩvi.

⁸ Okupopela ku tunda ku Yehova. Esumũlũho liove li kale lomanu vove.