OLOSAMO 24 - Embimbiliya - Bíblia Sagrada em Umbundu

Osamo ya Daviti.

¹ Ongongo ya Yehova leci ce yukamo; oluali lava va tungamo.

² Eye wa lu seveta kokalunga. Wa lu kolisa kolondui.

³ O lamana komunda ya Yehova helie? Helie o talama kocitali caye ci kola?

⁴ U o kasi lovaka a yela lutima wa pua evĩho. U ka tiamisile utima waye kuhembi. U ka likuminyile lesanda.

⁵ Eye o mola ku Yehova esumũlũho, lesunga ku Suku ukueyovo liaye.

⁶ Eyi oyo ombuto yomanu vo sandiliya, haivo va sanda ocipala ca Suku ya Yakoba.

⁷ Petuli ovitue viene, alombundi. Petuki, apito onahulu. Kuenje Soma yulamba iñilamo.

⁸ Helie Soma yaco yulamba? Yehova wa kola, wa pama, Yehova wa pama kocilunga.

⁹ Petuli ovitue viene, alombundi. Petuki, apito onahulu, kuenje Soma yulamba iñilamo.

¹⁰ Helie Soma yaco yulamba? Yehova Ukualohoka Eye Soma yulamba.