OLOSAMO 2 - Embimbiliya - Bíblia Sagrada em Umbundu

¹ Olofeka vi ongolokela nye? Omanu vaco va sokoluila nye eci cesanda?

² Olosoma viokilu lieve via lipongiya. Olombiali vi tumbika ongombo Yehova lombuavekua yaye, viti,

³ Tu soyoli apanda avo. Ovikolo viavo tu vi inasi.

⁴ U o kasi kilu o yola. Yehova o va pembula.

⁵ O popia lavo loku tema, kuenje o va lingisa usumba lonyeño yaye ya lua, hati,

⁶ Nda kapa osoma yange komunda yange yi kola, Siono.

⁷ Njimba oluiya lua Yehova. Eye wa popia lame hati, Ove wumõlange. Etali nda ku cita.

⁸ Minge, kuenje hu iha olofeka ha vi lingi ocipiñalo cove, lasukiyo oluali ha a lingi ocitumalo cove.

⁹ O va teya lepangati liutale. O va nyanyõla ndelonga liutungi wolombia.

¹⁰ Oco, ene alosoma, kaliye, kuati olondunge. Lunguki, alonganji violuali.

¹¹ Vumbi Yehova lusumba loku luluma.

¹² Sipuli olomai viaye sanga o tema kuenje vu nyõlẽhela vonjila, omo onyeño yaye yi wenguka lombili. Vosi va wunda kokuaye va sumũlũha.