OLOSAMO 16 - Embimbiliya - Bíblia Sagrada em Umbundu

Ocisungo co Mikitami ca Daviti.

¹ A Suku, silamele, momo kokuove oko mbunda.

² Mopia la Yehova siti, Ove wu Ñala yange. Si kuete esumũlũho likuavo te eli li tunda kokuove.

³ Olosandu vi kasi kilu lieve omanu muẽle, ovo lika nda sanjukila.

⁴ Ava va nola osuku yiñi va luisaño ohali yavo. Ovilumba viavo vioku nyua osonde si vi lumbi, ndaño oku tukula olonduko viavo lomela wange.

⁵ Yehova onepa yange yocipiñalo, haeye okopo yange. Ove o numalisa komangu yange.

⁶ Ovililo va vi njimbila oko kua posoka. Ñasi muẽle locipiñalo ciwa.

⁷ Manduila Yehova wa njimba onumbi. Ndaño uteke utima wange u ndungola.

⁸ Oloneke viosi ñapa ñapa Yehova kovaso ange. Omo eye o kasi kondio yange si sengiwa.

⁹ Oco utima wange wa yolela, Espiritu liange lia sangatela. Etimba liange laliovo li tumãla ño loku koka.

¹⁰ Momo ku njanduluka okuti ngenda ño konjembo. Ku tava okuti u wove ukuesunga o kala ño veyambo.

¹¹ O njimba onumbi yonjila yomuenyo. Kokuove ku li onjolela ya lua. Kondio yove ku kasi esanju ka li pui.