OLOSAMO 15 - Embimbiliya - Bíblia Sagrada em Umbundu

¹ A Yehova, o tumãla vonembele yove helie? Helie o tunga vomunda yove yi kola?

² Yu omuenyo waye wa pua eko, haeye o lingainga esunga, vutima waye mu tunda olondaka viocili,

³ haeye ka endisa olombonde lelimi liaye ka lingi ekamba liaye eci cĩvi, ka tondi u a lisungue laye.

⁴ O pembula ondingaĩvi, puãi o sumbila ava va sumba Yehova. O likuminya eci cu valula, haimo lumue ka tiukamo.

⁵ Ka levalisa olombongo viaye losindike. Ka tambula ovitukiko vioku pisa u ka kuete eko. U o lingainga ovina evi ka sengiwa vali.