OLOSAMO 149 - Embimbiliya - Bíblia Sagrada em Umbundu

¹ Sivayi Yehova. Imbili Yehova ocisungo cokaliye. U sivayaili vohongele yava va sumbila.

² Isareli a yolele u wo lulika. Va Siono va sanjukile Soma yavo.

³ Va sivaye onduko yaye loku cila. Vo wimbile ovisungo viesivayo lopandelu lohalupa.

⁴ Momo Yehova o sanjukila omanu vaye. Ava va kangisua o va posuisa leyulo.

⁵ Ava vo sumbila voluile eyulo. Va imbe lonjolela povola avo.

⁶ Volomela viavo mu kale asivayo a piãla oku sivaya Suku, lopovaka avo pa kale osipata yolomela vivali

⁷ ha va fetuluinya olofeka loku yambula omanu;

⁸ ha va pandeka olosoma viavo lalienge lovakulu vavo lovikumbi viutale;

⁹ ha va va tetuluila olonimbu via va sonehiwila ale. Eci oco ulamba wa vosi vo kolela. Sivayi Yehova.