OLOSAMO 141 - Embimbiliya - Bíblia Sagrada em Umbundu

Osamo ya Daviti.

¹ A Yehova, nda ku vilikiya, ñokele lombili. Vonguila etui kondaka yange eci hu vilikiya.

² Ohutililo yange kokuove yi linge ndinsensu. Okutulika kuovaka ange ku linge ndocilumba coñolosi.

³ Kapa ondavi komela wange, a Yehova. Lava epito liomela wange.

⁴ Ku ka tiamise utima wange kovina vĩvi, ndaño koku endaenda lolondingaĩvi okuti nduahãla lovilinga via vĩha. Si ka kale kale kolofesta viavio.

⁵ Eci ukuesunga a njambula pamue oku natula ci kale kokuange ndohenda, puãi ulela wavakuevĩho lalimue eteke ka u ka waveke utue wange, momo ndukuakulikutililila oku yuvula viavo via vĩha.

⁶ Eci va eciwa kolonganji vi va kangisa oco va limbuka okuti ondaka ya Yehova yocili.

⁷ Ndeci ewe li toliwa loku nyanyowaila vofeka haico akepa avo a nyanyohãila komela wonjembo.

⁸ Ovaso ange puãi, a imbiwa kokuove, a Yehova Suku. Ove wuciwundilo cange. Ku ka sie okuti ombindikiyo mbu.

⁹ Njuvuise onjanjo va nela kuenda ovilivi violondingaĩvi.

¹⁰ Olondingaĩvi vi fe volonjanjo viavio muẽle osimbu ame muluka.