OLOSAMO 14 - Embimbiliya - Bíblia Sagrada em Umbundu

Kusongui wolonjimbi. Osamo ya Daviti.

¹ Eveke lia vangula lutima walio liti, Ka ku li Suku. Vakuevĩho. Va linga ovilinga vionyanya. Ka ku li u o linga eci ciwa.

² Yehova kilu wa vanja posi komãla vomanu ha kũlĩhisa nda hẽ ku li vakualondunge va sanda Suku,

³ Vosi va pambuka, va lingila pamosi vakuevĩho. Ka ku li u o linga eci ciwa, ndaño umosi.

⁴ Olondingaĩvi viosi hẽ, ka vi kuete olondunge? Vi lia ño omanu vange ndomo vi lia lia iputa, kuenje ka vi vilikiya Yehova.

⁵ Oco va kala lusumba wa lua, omo Suku o kasi locitumbulukila ca vakuesunga.

⁶ Vu yongola oku nyõla cosi ohukui ya sima oku linga, puãi Yehova ocikolo cayo.

⁷ Eyovo lia Isareli nda lia tundile vo Siono! Eci Yehova a tumbulula vali asumuluho omanu vaye, oco Yakoba o yolela, Isareli o sanjuka. Osamo ya Daviti.