OLOSAMO 137 - Embimbiliya - Bíblia Sagrada em Umbundu

¹ Kolondui via Bavulono oko tua tumãla. Tua lila eci tua ivaluka Siono.

² Kovawunje ovokati kavio oko tua pateka olohalupa vietu,

³ haiko ava va tu kuata va tu silihila ovisungo. Ava va tu punda va tu siliha onjolela, vati, Tu imbili cimue ocisungo coko Siono.

⁴ Tu imba hẽ ndati ocisungo ca Yehova vofeka yamale?

⁵ A Yerusalãi, nda hu ivala eka liange liondio li siõsie!

⁶ Elimi liange li lamelele kuliakusu nda siu ku ivaluka, nda si velisapo Yerusalãi, okuti esanju liange lia velapo li sule.

⁷ A Yehova, ivalukila va Edome eteke lia Yerusalãi, eci va linga vati, Li papululi. Li papululi toke koviseveto vialio.

⁸ Amõla a Bavulono ukãi, okuakunyola! U o ku linga ove ndomo ove wa tu linga etu, o sumũlũha.

⁹ U o kuata oloñaña viove ha vi tiasola kewe, o sumũlũha.