OLOSAMO 131 - Embimbiliya - Bíblia Sagrada em Umbundu

Ocisungo colongende ca sonehiwa la Daviti.

¹ A Yehova, utima wange ka u kasi lepela, ovaso ange ka a peketele. Sia tekelele kovina vinene, pamue kovikomo via mbelapo.

² Puãi nda liuhisa loku tula utima ndeci omõla a tula utima eci a kasi kavele a inaye. Utima wange wa lisoka lomõla wa susumisua.

³ A Isareli, imba ovaso ku Yehova tunde opo toke ka ku ci.