OLOSAMO 13 - Embimbiliya - Bíblia Sagrada em Umbundu

Kusongui wolonjimbi. Osamo ya Daviti.

¹ A Yehova, toke eteke lipi? O njivala hẽ, otembo ka yi pui? Toke eteke lipi o salamisila ocipala cove?

² Toke eteke lipi vutima mu sakalala ño, haimo mu mbala ño eteke liosi? Toke eteke lipi unyali wange o miãla?

³ Sokolola, nambulule, a Yehova, a Suku yange. Tuisa ovaso ange sanga mekela otulo tuokufa,

⁴ sanga unyali wange o popia hati, Ndo yula, sanga ovanyali vange va yolela okusakalala kuange.

⁵ Ame puãi nda kolela ocisola cove ka ci pui. Utima wange u yolela eyovo liove.

⁶ Njimbila Yehova ovisungo omo wa nyiha calua.