OLOSAMO 12 - Embimbiliya - Bíblia Sagrada em Umbundu

Kusongui wolonjimbi. Osamo ya Daviti yimbiwa la vakuandaka.

¹ A Yehova, kuatisa, omo ka kuli vali ukuesunga. Vakuacili va takata pokati komãla vomanu.

² Omunu lu a lisungue laye va likembakemba. Vakuakupopia ombambe lovimela kuenda lovitima vivali.

³ Yehova a sonje ovimela viosi viombambe, kuenda elimi liosi li popia popia oku lipanda.

⁴ A nyõle vosi va popia popia vati, Tu yula lalimi etu. Ovimela vietu, vietu muẽle. O tu tumĩla helie?

⁵ Omo olosuke vi pundiwa lolohukui vi litetela oco cilo ñatuka. Ndu kapa oko kua koka haiko ku livela utima wange. Oco ca popia Yehova.

⁶ Olohuminyo via Yehova viocili. Via soka ndopalata ya yenguluiwa vofolono yi kasi posi, haiyo ya yenguluiwa olonjanja epanduvali.

⁷ Ove, a Yehova, tu silamele. Tu popele hũ kocitumbulukila cilo,

⁸ Olondingaĩvi vi ñuala ñuala ño kuosi, eci evĩho lia kemala pokati komãla vomanu.