OLOSAMO 113 - Embimbiliya - Bíblia Sagrada em Umbundu

¹ Sivayi Yehova. Ene akuenje va Yehova, sivayi. Sivayi onduko ya Yehova.

² Va panduile onduko ya Yehova tunde opo toke koloneke ka vi pui.

³ Tunde pokutunda kuekumbi toke pokuiñila kualio onduko ya Yehova yi sivayiwe.

⁴ Yehova wa tulamela olofeka viosi. Ulamba waye wa tulamela ilu.

⁵ Wa lisoka la Yehova Suku yetu helie? Wa tumbika ocalo caye kilu,

⁶ kuenje o petamela oku vanja evi vi kasi kilu, levi vi kasi posi.

⁷ O pindula omumbe yi kasi voneketela, loku votola osuke yi kasi keyala,

⁸ ha vi tumalisa lolosoma, lolosoma muẽle viofeka yavo.

⁹ Osiũle o yi tumalisa vonjo ha yi lingi onjali yi sanjukila omãla. Sivayi Yehova.