OLOSAMO 11 - Embimbiliya - Bíblia Sagrada em Umbundu

Kusongui wolonjimbi. Osamo ya Daviti.

¹ Ame mbunda ku Yehova. Oco vu popia ndati lame, hoti, Tilila kolomunda ndonjila?

² Momo olondingaĩvi vi lumbilila ohonji. Vi pambekela usongo kolusipa ha vi imbi usongo vowelema oku asa u wa sunguluka vutima.

³ Ociseveto, nda ci nyõleha, ukuesunga o linga nye?

⁴ Yehova o kasi vonembele yaye yi kola. Ocalo ca Yehova ci kasi vilu. Ovaso aye a tala tala omãla vomanu, ovisokopia viaye vi va seteka.

⁵ Yehova o seteka vakuesunga kuenda vakuakandu. Utima waye u suvuka u o sole ungangala.

⁶ O lowila kolondingaĩvi akala ondalu kue nda ofuofuo. Ofela ya sanya oyo onima yavo.

⁷ Momo Yehova ukuesunga, o sole ovilinga via sunguluka. Vakuesunga ovo va mola ocipala caye.