OCISUNGO CA SALOMONE 7 - Embimbiliya - Bíblia Sagrada em Umbundu

¹ Olmãi viove via posoka cimue, a Nasoma, ndomo via wala olohaku. Atokekelo olombunda viove a soka ndovawe a tĩla a songiwa luloño wa piãla.

² Ohopa yove ya soka ndesanga lia sielena, mue yuka to ovinyu. Pimo liove pa soka ndokangungo kotiliku ka ñualiwa lolonẽlẽho.

³ Avele ove a molẽha ndotumunya tuvali olonjamba.

⁴ Osingo yove ya soka ndongunji ya tungiwa lovayo onjamba. Ovaso ove a soka ndociva co ko Hesibone pombundi ya Batrabi. Anyũlu ove a soka ndotole yoko Levanone yina yimba ovaso ko Damasko.

⁵ Utue wove u molẽha nda Karimele; ocifuko cawo cowi, ndonanga yosoma; Soma wa kuatiwa leposo liaco ndomandekua!

⁶ Okuacisola cange, wa posoka ca lua; o ñokela esanju lia lua, ofeko wa yonguiwa!

⁷ Ulambi wove wa soka ndu weva; avele ove a soka ndovilende vialio.

⁸ Mopia siti, Ndonda veva liaco; ñuatelela kovianja viaco, kuenje avele ove a linga ndovilende viayuva, lelemba liokufuima kuove ndeli liolomasa.

⁹ Asipulo ove a linga ndovinyu via velapo vi pita venguli cuuuuuuuu!

¹⁰ Ukuacisola cange wa linga muẽle wange, lame nda linga waye. Onjongole yaye ya niamẽla.

¹¹ Okuacisola cange, enju; tu ende kovapia loku lala kovaimbo

¹² Tu limẽlẽhela koviumbo viayuva, ha tu vanji ayuva nda a yova ale, lolonẽleho viaco nda via temũla, laroma haico; oko hu ihila ocisola cange.

¹³ Ovitende vi tunda elemba liwa. Puvelo wetu pa kasi apako a pepa, lana okaliye, lana ale; osi muẽle nda a ku selekela, okuacisola cange.