NEHEMIYA 7 - Embimbiliya - Bíblia Sagrada em Umbundu

¹ Eci okuti ocimbaka ca tungiwa ale kuenda nda kapa ale apito aco, loku tukula vakualombundi lolonjimbi la va Lewi,

² oco nda tukula Hanani manjange kuenda Hananiya, kesongo liombonge, okuti va kala locikele coku lava Yerusalãi, momo eye omunu wa sunguluka ca lua, haeye wa kala lusumba la Suku, valua vakuavo va sule.

³ Nda popia lavo siti, Olombundi viovo Yerusalãi ka vi ka yikuluiwe toke ekumbi lia londa. Kuenda vali, osimbu ka wa tundili kupange woku lavulula oco vi yili loku vi yika. Noli pokati kolonungi via Yerusalãi ava va linga olondavululi. Kuenda koku kala, va kale ndomo: u kovaso yonjo yaye, u kovaso yonjo yaye.

⁴ Kaliye imbo lia tanda hailio linene, omanu puãi vañamiñami lika, lolonjo ka via tungiwile handi.

⁵ Oco Suku wa ñapa vutima ocisimilo coku ongolola omanu vanene lasongui lomanu vosi ha tu tendi apata loku a soneha. Kuenje nda sanga elivulu omu va soneha olonduko viava veyile onjanja yatete. Ava va sonehiwamo vava:

⁶ Va Yuda va tunda kumandekua, okuti vana va ambatiwile la Nevukandesa, noke va tiuka ko Yerusalãi loko Yuda, u kimbo liavo, u kimbo liavo, vava:

⁷ Ava veya la Seruvavele, vava: Yesiua, Nehemiya, Asariya, Raamiya, Nahamani, Moridekai, Bilisiana, Misiperete, Bigvai, Nehuma la Baana. Omanu vosi va Isareli va soka ndomo:

⁸ Epata lia Parosi olohulũkãi vivali locita kakui epanduvali la vavali.

⁹ Epata lia Siefatiya ovita vitatu kakui epanduvali la vavali.

¹⁰ Epata lia Ara ovita epandu kakui atãlo lavavali.

¹¹ Epata lia Pahatamoavi, okuti omãla va Yoava la Yesiua, olohulũkãi vivali lovita ecelãla kekui lecelãla.

¹² Epata lia Elami ohulukãi lovita vivali kakui atãlo la vakuãla.

¹³ Epata lia Satu ovita ecelãla kakui akuãla la vatãlo.

¹⁴ Epata lia Sakai ovita epanduvali lakui epandu.

¹⁵ Epata lia Binui ovita epandu lakui a kuãla lecelala.

¹⁶ Epata lia Bevai ovita epandu lakui avali lecelala.

¹⁷ Epata lia Asigade olohũlũkãi vivali lovita vitatu kakui avali la vavali.

¹⁸ Epata lia Adonikama ovita epandu kakui epandu lepanduvali.

¹⁹ Epata lia Bigvai olohũlũkãi vivali kakui epandu lepanduvali.

²⁰ Epata lia Adini ovita epandu kakui atãlo la vatãlo

²¹ Epata lia Atere omõla a Hesekiya akui ecea lecelala.

²² Epata lia Hasiumi ovita vitatu kakui avali lecelala.

²³ Epata lia Becai ovita vitatu kakui avali la vakuãla.

²⁴ Epata lia Harifa ocita kekui la vavali.

²⁵ Epata lia Giveone akui ecea la vatãlo.

²⁶ Alume va Beteleme la Netofa ocita kakui ecelãla lecelala.

²⁷ Alume va Anatote ocita lakui avali lecelala.

²⁸ Alume va Betasiroawete akui akuãla la vavali.

²⁹ Alume va Kiriyata Yeari la Kefira la Berote ovita epanduvali lakui akuãla la vatatu.

³⁰ Alume va Rama la Geva ovita epandu lakui avali la umosi.

³¹ Alume va Mikimasi ocita kakui avali lavavali.

³² Alume va Betele la Hai ocita kakui avali la vatatu.

³³ Alume va Nevo yikuavo akui atãlo la vavali.

³⁴ Alume va Elami likuavo ohũlũkãi lovita vivali kakui atãlo lakuãla.

³⁵ Epata lia Harimi ovita vitatu kakui avali.

³⁶ Epata lia Yeriko ovita vitatu kakui akuãla la vatãlo.

³⁷ Epata lia Lodo, Hadida la Ono, ovita epanduvali kakui avali la umosi.

³⁸ Epata lia Senaa olohũlũkãi vitatu lovita ecea kakui atatu.

³⁹ Apata ovitunda ya: Epata lia Yedaya, ukuambuto ya Yesiua, ovita ecea kakui epanduvali la vatatu.

⁴⁰ Epata lia Imere ohũlũkãi kakui atãlo la vavali.

⁴¹ Epata lia Pasuri ohũlũkãi lovita vivali kakui akuãla lepanduvali.

⁴² Epata lia Harimi ohũlũkãi kekui lepanduvali.

⁴³ Va Lewi vava: Epata lia Yesiua la Kadimiyele vakuepata lia Hodewa akui epanduvali la vakuãla.

⁴⁴ Olonjimbi vievi: Epata lia Asafe ocita kakui akuãla lecelãla.

⁴⁵ Olondavululi vievi: Vakuepata lia Sialume la Atere la Talimoni la Akuve la Hatita la Siovai ocita kakui atatu lecelãla.

⁴⁶ Vakuakutata onembele vava: Apata a Ciha la Hasiufa la Tabaote

⁴⁷ la Kerosi la Sia la Padone,

⁴⁸ la Lebana la Hagava la Sialimai,

⁴⁹ la Hanana la Gidele la Gahara,

⁵⁰ la Raya la Recini la Nekoda,

⁵¹ la Gasama la Usa la Paseya,

⁵² la Besai la Meunimi la Nefusiesimi,

⁵³ la Bakibuku la Hakufa la Harihuri,

⁵⁴ la Baciliti la Mehida la Harisia,

⁵⁵ la Barikosi la Sisera la Tema,

⁵⁶ la Neciya la Hatifa.

⁵⁷ Omãla vapika va Salomone vava: Apata a Sotai la Soferete la Perida,

⁵⁸ la Yaala la Darikone la Gidele,

⁵⁹ la Siefatiya la Hatile la Pokerete Hacebai la Amone.

⁶⁰ Vosi vakuakutata onembele lomãla va Salomone va soka ovita vitatu kakui ecea la vavali.

⁶¹ Ava va tunda ko Telemela la Teleharisia la Keruvi la Adone la Imere ka va telele oku lekisa ciwa apata avo lombuto yavo nda ocili va Isareli nda ndati, vava:

⁶² apata a Belaya la Toviya la Nekoda va soka ovita epandu kakui akuãla la vavali.

⁶³ Ndaño pokati kovitunda pa kala apata a Hobaya la Hakosi la Barisilai. Eye wa kuela omõla umue a Barisilai u Gileada ya wa liluka onduko yaye,

⁶⁴ okuti va sandiliya apa pa sonehiwa olonduko viapata avo, puãi ka pa sangiwile, oco va tundisua kutunda.

⁶⁵ Nguluvulu wa handeleka okuti ka ci tava oku lia kokulia ku kola te pa moleha ocitunda ci kuete Urimi la Tumimi.

⁶⁶ Owiñi wosi womanu vaco wa soka olohũlũkãi akui akuãla kolohũlũkãi vivali lovita vitatu kakui epanduvali.

⁶⁷ Akuenje vavo lafeko vavo va tẽla olohũlũkãi epanduvali lovita vitatu kakui atatu lepanduvali. Olonjimbi via tẽla ovita vivali kakui akuãla la vitãlo.

⁶⁸ Va kala lotuvalu ovita epanduvali kakui atatu lepandu, lolomula ovita vivali kakui akuãla la vitãlo,

⁶⁹ lolongamelo ovita vikuãla kakui atatu la vitãlo kuenda ovimbulu olohũlũkãi epandu lovita epanduvali kakui avali.

⁷⁰ Akulu vamue vakuapata va eca olombongo vioku kuatisa upange. Nguluvulu muẽle wa eca ohulũkãi yolondalama viulu latasu akui atãlo kuenda uwalo woku walisa ovitunda ovita vitãlo kakui atatu.

⁷¹ Akulu vamue vakuapata va eca ca soka olohũlũkãi akui avali violondalama viulu, levi viopalata olohũlũkãi vivali kovita vivali.

⁷² Omanu vakuavo va eca olohũlũkãi akui avali violondalama viulu, kuenda viopalata va eca olohũlũkãi vivali. Haivo va eca uwalo woku walisa ovitunda akui epanduvali lepanduvali.

⁷³ Kaliye ovitunda la va Lewi la vakualombundi lolonjimbi lomanu vamue la vakuakutata onembele la va Isareli vosi va kala vovaimbo avo muele. Eci ca tẽla osãi yepanduvali va Isareli vovaimbo avo muẽle haimo va kala.