NEHEMIYA 3 - Embimbiliya - Bíblia Sagrada em Umbundu

¹ Kuenje Eliasivi, ocitunda cinene, lovitunda vikuavo via votoka. Ovo va livanga, kuenje va tunga ombundi yolomeme. Va yi tumbika loku kapa apito aco; va yi tumbika toke kokambonge ka Hameya kuenda toke kokambonge ka Hananele.

² Kovaso yaco va Yeriko va tunga. Kovaso yaco vali Sakuri, omõla a Imiri, wa tunga.

³ Ombundi yolosi ya tungiwa lomãla va Hasena. Va tumbika olohangalo viaco loku kapa apito lovikete lolomimbiliko.

⁴ Kovaso yaco Meremoti, omõla a Uriya, omõla a Hakosi, wa semululako. Kovaso yaco Mesiulama, omõla a Berekiya, wa semulula. Kovaso yaco Sadoke, omõla a Bana, wa semulula.

⁵ Kovaso yaco va Tekoa va semululako, haimo asongui vavo ka va pokuile kasongui vanene.

⁶ Ombundi yale ya semuluiwa la Yoyada, omõla a Paseya, la Mesiulama, omõla a Besodeya. Va kapa olohangalo viaco lapito aco lovikete lolomimbiliko.

⁷ Kovaso yaco kua tunga Melatiya u Giveone, la Yadono u Merono. Ava va Giveone lava va Misipa ovo va tiamẽla konguluvulu yokesinya lia Ferati.

⁸ Kovaso yaco Usiyele, omõla a Harihaya, wa semululako, eye omesele yimue yovikuata viulu. Kovaso yaco Hananiya wa semululako, eye ukuakutunga ulela welemba liwa. Ovo va semulula Yerusalãi toke kocimbaka ca tanda.

⁹ Kovaso yaco Refaya, omõla a Huri, wa semululako. Eye usongui wonepa yimbo lia Yerusalãi.

¹⁰ Kovaso yaco Yedaya; omõla a Harumafa, wa semulula onepa ya imba ovaso konjo yaye muẽle. Kovaso yaco vali Hatusi, omõla a Hasiaviniya, wa semululako.

¹¹ Onepa yikuavo Malikiya, omõla a Harimi, la Hasiuvu, omõla a Pahatamoavi, va semulula, haivo va semulula ombonge yokolofolono.

¹² Kovaso yaco Sialume, omõla a Halohesi, lomãla vaye vakãi va semululako. Eye kesongo konepa yikuavo yimbo lia Yerusalãi.

¹³ Ombundi yokekungu ya semuluiwa la Hanuni la va Sanoha. Va yi tunga kuenda va kapa apito aco lovikete lolomimbiliko. Haivo va tunga onepa yocimbaka ya soka lovita vitãlo violo-metro okuti toke kombundi yokeyala.

¹⁴ Ombundi yokeyala ya semuluiwa la Malikiya, omõla a Rekava, eye kesongo konepa ya Bete Hakareme. Wa yi tunga loku kapa apito aco lovikete lolomimbiliko.

¹⁵ Ombundi yokono ya semuluiwa la Sialume, omõla a Kolehose, eye kesongo konepa yimue ya Misipa. Wa yi tunga loku yi yambela loku kapa apito aco lovikete lolomimbiliko. Haeye wa semulula ocimbaka, oku upisa kociva ca Siloama ocipepi locumbo ca Soma toke oku malusuila kosikata yi lokila kombonge ya Daviti.

¹⁶ Kovaso yaco Nehemiya, omõla a Asibuke, wa semululako. Eye kesongo konele yimue ya Betesure. Wa semulula toke oku pitila kovaso yayambo a Daviti kuenda toke kociva ca felĩwa, kuenda vali toke konjo yasualali va lava lava osoma.

¹⁷ Kovaso yaco va Lewi va semululako, okuti tete Rehumu, omõla a Bani, noke Hasiaviya, kesongo lionele yimue ya Keila, eye wa semulula onepa ya soka lonele yaye.

¹⁸ Kovaso yaco va Lewi vakuavo va semululako, okuti Bavai, omõla a Henadada. Eye kesongo lionele yikuavo ya Keila.

¹⁹ Kovaso yaco Eseri, omõla a Yesiua, kesongo ko Misipa, wa semulula onepa yikuavo apa pa lamanẽla konjo yovimalẽho, okuti kevindi liocimbaka.

²⁰ Kovaso yaco Baruke, omõla a Savai, wa semulula onepa yikuavo, tunde kevindi liocimbaka toke puvelo wonjo ya Eliasivi ocitunda cinene.

²¹ Kovaso yaco Meremote, omõla a Uriya, omõla a Hakosi, wa semulula onepa yikuavo, tunde puvelo wonjo ya Eliasivi toke oku piãla onjo yaco.

²² Kovaso yaco ovitunda vina via tunga venyãla ovio via semululako.

²³ Kovaso yaco Benjamini la Hasiuvu va semulula onepa ya imba ovaso konjo yavo. Kovaso yaco Asariya, omõla a Maaseya, omõla a Ananiya, wa semulula onepa ya tokeka konjo yaye.

²⁴ Kovaso yaco Binui, omõla a Henadada, wa semulula onepa yikuavo, okuti tunde konjo ya Asariya tokekevindi liocimbaka, haikokocihondoloka.

²⁵ Palala, omõla a Ucai, wa semulula onepa ya imba ovaso kocihondoloka, haiko kohondo ya pama ya tongihinyiwa konjo yokilu ya Soma kuenda konjo yolondavululi. Kovaso yaco Pedaya, omõla a Parosi,

²⁶ kumosi la vakuakuvumba vonembele, olonjo viavo via kala vo Ofele, ovo va semululako toke apa pa imba ovaso kombundi yavava, konele yutundilo, kuenda toke kohondo ya pama ya tungihinyiwako.

²⁷ Kovaso yaco va Tekoa va semulula onepa yikuavo ya imba ovaso kohondo ya lepa haiyo ya pama, toke kocimbaka co Ofele.

²⁸ Ovitunda via semulula kilu liombundi yotuvalu, omunu kovaso yonjo yaye, omunu kovaso yonjo yaye.

²⁹ Kovaso yaco Sadoke, omõla a Imere, wa semulula kovaso yonjo yaye. Kovaso yaco Semaya, omõla a Sekaniya, wa semululako. Eye ukuakutata ombundi yokutundilo.

³⁰ Kovaso yaco Hananiya, omõla a Selemiya, kuenda Hanuni, omõla wepandu wa Calafa, va semulula onepa yikuavo. Kovaso yaco Mesiulama, omõla a Berekiya, wa semulula onepa yokovaso yonjo yaye.

³¹ Kovaso yaco Malikiya, omesele yimue yovikuata viulu, wa semulula toke kolonjo viavakuakuvumba onembele kuenda toke konjo yovafũli ya imba ovaso kombundi yepandavelo lohondo ya lepa ya pama kocihondoloka.

³² Pokati kohondo yaco yi sovi kocihondoloka lombundi yolomeme, olomesele viovikuata viulu lovafũli va semululako.