NEHEMIYA 11 - Embimbiliya - Bíblia Sagrada em Umbundu

¹ Kuenda asongui vanene ovo va tunga vo Yerusalãi. Omanu vosi vakuavo va imba ocela ha va nola pekui umosi, pekui umosi, ha va tungi vimbo li kola, Yerusalãi. Ava vosi va supapo ca tava okuti va kala vovaimbo avo.

² Vamue omanu va likuminya ovo muẽle oku kala vo Yerusalãi, kuenje vosi yavo va panduiwa lomanu.

³ Asongui vofeka va tunga vo Yerusalãi vava: Kovaimbo a Yuda vosi va tunga, omunu posi yaye, omunu posi yaye, kovaimbo avo muẽle, va Isareli lovitunda, la va Lewi loloñuatisi viupange wonembele, lapata apika a Salomone.

⁴ Haimo vamue va Yuda kuenda vamue va Benjamini va tunga vo Yerusalãi. Va Yuda vava: Ataya omõla a Usiya, omõla a Sakariya, omõla a Amariya, omõla a Siefatiya, omõla a Mahalalele. Ovo va tiama kepata lia va Peresi.

⁵ Maaseya, omõla a Baruki, omõla a Kolohose, omõla a Hasaya, omõla a Adaya, omõla a Yoyariva, omõla a Sakariya, omõla u Siloni.

⁶ Va Peresi vosi va tunga vo Yerusalãi va tẽla ovita vikuãla kakui epandu lecelãla. Vosi vakuangusu yoku talavaya.

⁷ Va Benjamini vava: Salu, omõla a Mesiuliama, omõla a Yoede, omõla a Pedaya, omõla a Kolaya, omõla a Maaseya, omõla a Itiele, omõla a Yesiaya.

⁸ Kuenda Gabai la Salai. Vosi yavo ovita ecea kakui avali lecelãla.

⁹ Usongui wavo eye Yoele, omõla a Sikiri. Yuda, omõla a Hasenua, wa linga kesongo konele yavali yimbo.

¹⁰ Ovitunda vievi: Yedaya, Yoyarivi, Yakini,

¹¹ la Seraya, omõla a Hilikiya, omõla a Mesiuliama, omõla a Sadoke, omõla a Meraiote, omõla a Ahituva. Eye ukuamoko ya velapo konjo ya Suku.

¹² Vakuavo, okuti vana va lingainga upange wovonjo, va tẽla ovita ecelãla kakui avali lavavali. Kua kalavo Adaya, omõla a Yerohama, omõla a Palaliya, omõla a Amici, omõla a Sakariya, omõla a Pasuri, omõla a Malikiya,

¹³ kuenda vakuavo, lavovo ovitue viapata, va tẽla ovita vivali kakui akuãla lavavali, kuenda vali Amasisai, omõla a Asarele, omõla a Ahasai, omõla a Mesilemote, omõla a Imere.

¹⁴ Vakuavo va kala laye, vosi vakuangusu yoku talavaya, va tẽla ocita kakui avali lecelãla. Kesongo liavo eye Savidiyele, omõla a Hagedolimi.

¹⁵ Va Lewi vava: Siemaya, omõla a Hasiuvu, omõla a Asirikama, omõla a Hasiabaya, omõla a Buni,

¹⁶ kumosi la Siabatai la Yosabada. Ovo asongui pokati lea va Lewi va lingainga upange wokolosamua vionjo ya Suku.

¹⁷ Kua kalavo Mataniya, omõla a Mika, omõla a Savidi, omõla a Asafe. Ovo va songola asivayo lolohutililo. Kua kalavo Bakibukiya, eye oñuatisi yaye yoku songola pokati kowiñi wosi, kuenda Avida, omõla a Siamuwa, omõla a Galala, omõla a Yedutunu.

¹⁸ Va Lewi va tẽla ovita vivali kakui ecelãla la vakuãla, okuti ava vosi va kala vimbo li kola.

¹⁹ Vakualombundi vana va lava lava kolombundi, okuti Akuvi, la Talimone lavakuavo, ovo va tẽla ocita kakui epanduvali la vavali.

²⁰ Ava va supapo ku va Isareli vosi kuenda kovitunda la va Lewi, ovo va kala kovaimbo osi a Yuda, u kocipiñalo caye, u kocipiñalo caye.

²¹ Vakuakutata onembele puãi va kala ko Ofele. Asongui vavo Siha la Gisipa.

²² Usongui wa va Lewi va kala vo Yerusalãi eye Usi, omõla a Bani, omõla a Hasiabiya, omõla a Mataniya, omõla a Mika, ukuepata lia Asafe, lina liolonjimbi. Eye wa kala locikele coku kũlãhaisa evi vionjo ya Suku.

²³ Momo Soma wa sapuila va Lewi okuti olonjimbi vi tambola ekuatiso liavio eteke keteke.

²⁴ Evi viosi vi veta veta kowiñi wosi womanu via kala peka lia Petahiya, omõla a Mesesavele, ukuepata lia Sera, omõla a Yuda.

²⁵ Oku tukula ovaimbo akuavo lovapia aco, vamue va Yuda va kala ko Kiriyata Ariva lokovikanjo viaco, kuenda ko Divone lokovikanjo viaco, kuenda ko Yekavicele lokovikanjo viaco,

²⁶ loko Yesiua, ko Molada, ko Bete Pelete,

²⁷ loko Hacari Siuale, ko Bereseva lokovikanjo viaco,

²⁸ ko Cikilage loko Mekona lokovikanjo viaco,

²⁹ ko Enerimone, Cora la Yarimuti,

³⁰ ko Canoa la Adulama lokovikanjo viaco, ko Lakisi lokovisenge viaco kuenda kAseka lokovikanjo viaco. Va tunga tunde ko Bereseva toke kocimbota ca Hinomi.

³¹ Va Benjamini va tungavo tunde ko Geva lokolonele viaco kuenda ko Mikimasi, ko Aiya, ko Betele lokovikanjo viaco,

³² ko Anatote, ko Nove, ko Ananiya,

³³ ko Hacore, ko Rama, ko Gitayi,

³⁴ ko Hadida, ko Cevoyi, ko Nevalata,

³⁵ ko Lodo, ko Ono lokimbo liolomesele.

³⁶ Ovisoko vimue via va Lewi va tiama ko Yuda va tiamisua ku Benjamini.