NEHEMIYA 10 - Embimbiliya - Bíblia Sagrada em Umbundu

¹ Ava va ci kolisa lolonduko viavo vava: Nehemiya Nguluvulu, eye omõla a Hakaliya, Sedekiya,

² Seraya, Asariya, Yeremiya,

³ Pasure, Amariya, Malikiya,

⁴ Hatusi, Siebaniya, Maluki

⁵ Harimi, Meremote, Ovadiya,

⁶ Daniele, Ginetoni, Baruki,

⁷ Mesiuliama, Aviya, Minjamini,

⁸ Maasiya, Biligai, la Semaya; ovo ovitunda.

⁹ Va Lewi vava; Yesiua, omõla a Asaniya, Binui ukuepata lia Henadada la Kadimiyele,

¹⁰ kumosi lavakuavo okuti Siebaniya, Hodiya, Kelita, Pelaya, Hanana,

¹¹ Mika, Rehovi, Hasiaviya,

¹² Sakuri, Sierebiya, Siebaniya,

¹³ Hodiya, Bani la Beninu.

¹⁴ Asongui vaco vomanu vava: Parosi, Pahatimoavi, Elami, Satu, Bani,

¹⁵ Buni, Asigadi, Bevai,

¹⁶ Adoniya, Bigvai, Adini,

¹⁷ Atere, Hesekiya, Asure,

¹⁸ Hodiya, Hasiumi, Becai,

¹⁹ Harifi, Anatote, Nabai,

²⁰ Magipiase, Mesiuliama, Hesiri,

²¹ Mesiesavele, Sadoke, Yadua,

²² Pelatiya, Hanana, Anaya,

²³ Hosea, Hananiya, Hasiuvu,

²⁴ Halohesi, Piliha, Siobeke,

²⁵ Rehumi, Hasiabaniya, Maaseya,

²⁶ Ahiya, Hanana, Anani,

²⁷ Maluki, Harimi la Baana.

²⁸ Omanu vakuavo okuti ovitunda, la va Lewi, la vakualombundi, kuenda olonjimbi, la vakuakutata onembele, la vosi va litepa la vakualofeka ha va lavi ovihandeleko via Suku, lakãi vavo, lomãla vavo valume, lomãla vavo vakãi, vosi muẽle va kuete ale ukũlĩhiso lolondunge

²⁹ va livandekakovo kuenda asongui vavo, va lisila lesingo okuti va endaenda lovihandeleko via Suku vina via eciwa ku Mose, ukuenje wa Suku, loku lava ovihandeleko lovisila viosi via Yehova, Ñala yetu, loku vi linga.

³⁰ Ka tu kuelisa omãla vetu vakãi komanu vakualofeka, pamue oku tava okuti omãla vetu valume va kuela omãla vavo vakãi.

³¹ Nda omanu vakuafeka va nena ovikuata pamue okulia keteke liesambata pamue keteke li kola, ka tu vi landi. Kuenda vali tua likuminya okuti kulima wepanduvali ka tu limi osi, pamue oku pomola olofuka viosi va tu levala.

³² Kuenda tua kapa oseo yokuti, omunu omunu ecaeca ulima kulima olopalata ekui oku kuatisa upange wonjo ya Suku,

³³ loku sokiya olombolo vioku taliwa, locilumba colomema coloneke viosi, locilumba coku pia elisi coloneke viosi, levi viesambata, levi viokumoleha kuosai, levi violofesta via tukuiwa, levi viovina viosi vi kola, lovilumba viakandu vioku inalisa Isareli, levi viupange wosi wonjo ya Suku.

³⁴ Tua imba ocela pokati kovitunda la va Lewi lomanu vosi oku kũlĩhisa ndomo mua va sungulukila oku tiaña tiaña olohui viovonjo ya Suku yetu, epata epata, ndoloneke via tukuiwa ulima kulima, okuti olohui vioku siakalela kutala wa Suku yetu Yehova, ndeci ca sonehiwa vovihandeleko.

³⁵ Tua tava okuti ulima kulima tu tuala tuala konjo ya Yehova ovaima atete ovikũla vietu la-o oviti viosi viapako.

³⁶ Tua tavavo oku tuala konjo ya Suku yetu, okuti, kovitunda vina vi vumba vumba vonjo ya Suku yetu, olonuñulu vietu muẽle levi viovinyama vietu, ndeci ca sonehiwa vovihandeleko, levi vioviunda violomeme lolohombo;

³⁷ loku tualavo osema yolomema vionendela, lovilumba vietu, lepako liuti wosi, lovinyu lulela; oku vi tuala kovitunda kolohondo vionjo ya Suku yetu; loku tualavo ku va Lewi onepa yekui yovaima, momo va Lewi ovo va tambola onepa yekui vovaimbo osi omu va lima lima.

³⁸ Locitunda, omõla a Arone, o kala la va Lewi eci va Lewi va tambula olonepa viaco viekui; kuenda kolonepa viaco viekui, onepa lonepa, va Lewi va tepako vali onepa yekui, ha va vi tuala konjo ya Suku yetu, kolohondo viombango.

³⁹ Momo va Isareli la va Lewi va kala locikele coku nena nena ovilumba viepungu levi viovinyu levi viulela kolohondo viombango, apa pa selekiwa ovikuata viohondo yi kola, levi viovitunda vi vumba vumba, levi via vakualombundi, levi violonjimbi. Ka tu pukula onjo ya Suku yetu.