MATEO 1 - Embimbiliya - Bíblia Sagrada em Umbundu

¹ Elivulu liocikoti ca Yesu Kristu, omõla a Daviti, omõla a Avirahama.

² Avirahama wa cita Isake; Isake wa cita Yakoba; Yakoba wa cita Yuda la vamanjaye;

³ Yuda wa cita la Tamare Faresi la Sera; Faresi wa cita Eserone; Eserone wa cita Arama;

⁴ Arama wa cita Aminadava; Aminadava wa cita Nasone; Nasone wa cita Salimone;

⁵ Salimone wa cita la Rahava Boasi; Boasi wa cita la Ruti Ovede; Ovede wa cita Jese;

⁶ Jese wa cita Soma Daviti. Daviti wa cita lukãi wa Uriya Salomone;

⁷ Salomone wa cita Rehovama; Rehovama wa cita Aviya; Aviya wa cita Asa;

⁸ Asa wa cita Yehosafate; Yehosafate wa cita Yorama; Yorama wa cita Usiya;

⁹ Usiya wa cita Yotama; Yotama wa cita Ahasi; Ahasi wa cita Hesekiya;

¹⁰ Hesekiya wa cita Manase; Manase wa cita Amone; Amone wa cita Yosiya;

¹¹ Yosiya wa cita Yekoniya la vamanjaye pana poku tualiwa ko Bavulono.

¹² Kovaso yoku tualiwa ko Bavulono Yekoniya wa cita Sialitiyele; Sialitiyele wa cita Seruvavele;

¹³ Seruvavele wa cita Avihudi; Avihudi wa cita Eliakimi; Eliakimi wa cita Asoro;

¹⁴ Asoro wa cita Sadoke; Sadoke wa cita Ahemi; Ahemi wa cita Eliudu;

¹⁵ Eluidu wa cita Eliasare; Eliasare wa cita Matana; Matana wa cita Yakoba;

¹⁶ Yakoba wa cita Yosefe; veya a Maria, haeye ina ya Yesu wa tukuiwa Kristu.

¹⁷ Oco tunde ku Avirahama toke ku Daviti pa kuete ekui liovitumbulukila kovitumbulukila vikuãla. Tunde ku Daviti toke koku tualiwa ko Bavulono haico, ekui liovitumbulukila kovitumbulukila vikuãla. Tunde koku tualiwa ko Bavulono toke ku Kristu haico, ekui liovitumbulukila kovitumbulukila vikuãla.

¹⁸ Okucitiwa kua Yesu Kristu kua kala ndomo. Eci inaye Maria a tindikiwa la Yosefe oco wa ihiwa imo le Espiritu Sandu osimbu ka va likuelele handi.

¹⁹ Kuenje omo veyaye Yosefe ukuesunga, yu ka yonguile oku u sepuisa, oco wa sokele oku u wimbapo uyombeki.

²⁰ Puãi, osimbu a sokolola ovina evi, ungelo wa Yehova wo tukulukila konjoi, wa linga hati, A Yosefe, amõla a Daviti, ku ka kale lohele yoku kuela ukãi wove Maria, momo wa ihiwa imo le Espiritu Sandu,

²¹ kuenje o cita omõla ulume, u luka Yesu momo eye o popela omanu vaye kakandu avo.

²² Eci cosi ca lingiwa okuti ondaka ya Ñala, yina ya popia uprofeto, yi lingiwa, yokuti:

²³ Tala, ufeko o mina, o cita omõla ulume, kuenje u luka Emanuele, ca lomboloka citi, Suku kumue letu.

²⁴ Oco, eci Yosefe a pasuka kotulo, wa linga ndeci ungelo wa Ñala o kundika, kuenje wa kuela ukãi waye;

²⁵ puãi ka litokekele laye, te ukãi wa cita omõla ulume kuenje wo luka Yesu.