I VA KORINDO 9 - Embimbiliya - Bíblia Sagrada em Umbundu

¹ Ame hẽ simãmãleko? siupostoloko? Yesu Ñala yetu sio muile hẽ? Heneko hẽ wupange wange vu Ñala?

² Ndaño ku vakuavo siupostoloko, kokuene ndupostolo, momo vu Ñala, ene muẽle wundimbukiso yange yupostolo.

³ Kuava va sombaisa, ekumbululo liange lieli okuti,

⁴ Etu hẽ, ci kola oku lia Ha loku nyua nyua?

⁵ Etu hẽ, ci kola oku ñuala ñuala lakãi vetu vakuetavo, ndovapostolo vakuavo la vamanji a Ñala la Kefa?

⁶ Ele, ame lika la Barnaba, ci kola oku liweka oku talavaya?

⁷ Elie esualali U litekola? Helie o kũla ocumbo cayuva kuenje ka U kepako liaco? Helie o lisa lisa ocunda puãi ka nyui kasenjele ocunda?

⁸ Eci hẽ, ñasi loku ci popia ndomunu? Ele ovihandeleko, laviovo via ci popia?

⁹ Momo ca sonehiwa vovihandeleko via Mose citi, Ku ka munihise omẽla yongombe yi sasa olomema. Suku hẽ, wa ci sokoluila olongombe?

¹⁰ Ele wa tu ci popela vali enene etu? Ca tu sonehiwila etu, omo u o senda wa sesamela oku senda lelavoko, lu o sasa a sase lelavoko lioku liako.

¹¹ Nda tua kũla ombuto yespiritu pokati kene ci linga hẽ cimue nda tu ungula viene vietimba?

¹² Nda vakuavo va kuete omoko yaco pokati kene, etu hẽ ka ca piãlele vali enene? Haimo lumue, ndaño tua kala lomoko yoku kisika ofeto, ka tua ci lingile. Tuohila ovina viosi sanga tu tateka ondaka yiwa ya Kristu.

¹³ Ka wa kũlihili okuti ava va linga upange wovonembele va lia lia evi vionembele, lava va vumba kutala va liamuila viokutala?

¹⁴ Haico Ñala a handeleka okuti ava va sapula ondaka yiwa va muila eteku Lavo kondaka yiwa.

¹⁵ Ame puãi, sia kuatele cimue covina evi, kuenje sia sonehele ovina evi okuti ci kala ndoco lame. Momo kokuange hise oku fa, umue oku nyeha eci ndi lipandela hacoko.

¹⁶ Momo ndaño ñunda ondaka yiwa, haimo ka ci nyiha eci ndi lipanda laco. Nda ci kundikiwa. Ngongo yange nda si kundi ondaka yiwa.

¹⁷ Nda ndi ci linga ocipango cange sanga ofeto. Puãi, nda hacipango cangeko, ca lomboloka okuti ukalei waco wa ñundikiwa.

¹⁸ Oco onima yange nye? Onima yange yeyi yokuti, eci ndongaisa ondaka yiwa, sandeka ocali ondaka yaco yiwa, haku kuatako enene omoko yange yoku sanga ofeto kondaka yiwa.

¹⁹ Momo, ndaño nda kala omãmãle komanu vosi, haimo nda linga upika womanu vosi okuti nganyala va lua.

²⁰ Va Yudea nda linga lavo ndu Yudea okuti nganyala va Yudea. Vakuavihandeleko nda Unga lavo ndukuavihandeleko okuti nganyala vakuavihandeleko ndaño ame siukuavihandelekoko.

²¹ Ava ka va kolela ovihandeleko nda linga lavo ndu ka kolela ovihandeleko, okuti nganyala ava ka va kolela ovihandeleko. Hamomoko okuti si kasi kovihandeleko via Suku, omo ocili ñasi kovihandeleko via Kristu.

²² Ava va leñela nda linga lavo ndu wa leñela okuti nganyala ava va leñela. Nda linga lomanu vosi ndukuavina viosi okuti mopela vamue.

²³ Cosi ndi ci lingila ondaka yiwa, okuti lamevo ndi yi sumũlũhila.

²⁴ Ka wa kũlĩhili okuti, eci kuli oku litunda, vosi va yoloka, umosi lika puãi o tambula ekolowa liaco? Oco yoloki okuti wu li tambula.

²⁵ Wosi iñila kolomapalo vioku litunda o lipokuisa kovina viosi. Ovo va ci lingila oku tambula ekolowa li nyõleha, etu puãi, oku tambula eli ka li nyõleha.

²⁶ Oco, ame si yoloka loku tatãla, si yaki ndu o veta ño ofela.

²⁷ Mbeta etimba liange loku li pokuisa, sanga eci nda longisa ale vakuetu ame muẽle nimiliwa.