I SAMUELE 14 - Embimbiliya - Bíblia Sagrada em Umbundu

¹ Eteke limue Yonatão, omõla a Saulu, wa popia lukuenje wambata ovimãleho viaye, hati, Enju, tuende kocilombo ca va Filisiti ci kasi oko. Puãi ka sapuilile soyaye.

² Saulu wa kala konẽle yimbo lia Geva, wa tumãla vemẽhi liuti wa romeira u kasi kocisaselo. Ava va kala laye va tẽla alume ovita epandu,

³ kuenda vali Ahiya omõla a Ahituva, manja a Ikabode, omõla a Finehase, omõla a Eli, ocitunda ca Yehova ko Silo. Eye wambata efonde. Omanu ka va kũlĩhĩle okuti Yonatão wa enda.

⁴ Vohopoke omo mua pita Yonatão ha endi kocilombo ca va Filisiti mua kala okuti konẽle eyi ewe linene, onduko yalio Bosesi, konẽle yikuavo ewe linene, onduko yalio Seneha.

⁵ Likuavo lia kala konẽle yoko Norte ya imba ovaso ko Mikimasi, likuavo lia kala konẽle yoko Sul ya imba ovaso ko Geva.

⁶ Yonatão wa popia lukuenje wambata ovimãlẽho viaye hati, Enju, tuende kocilombo coviyamba viaco; mbi sanga Yehova o tu lingila cimue momo lacimue ci tateka Yehova oku popela, ci kale la valua, ci kale la vañamiñami.

⁷ Ukuenje wambata ovimãlẽho wa popia hati, Linga cosi wa sima. Ame ñasi love, utima wove haiwo wange.

⁸ Yonatão wa popia hati, Tala, tu enda kalume vaco, tu lilekisa kokuavo.

⁹ Nda va popia letu vati, Talamẽli toke tuiya kokuene, oco tu talama, ka tuendi kokuavo.

¹⁰ Puãi nda va linga vati, Lamanẽli kokuetu, oco tu lamana momo Yehova wa va eca peka lietu. Eci oco cu tu lingila ondimbukiso.

¹¹ Oco, kavali kavo, va lilekisa kasualali va va Filisiti. Va Filisiti vati, Tala, va Isareli va kasi oku tunda vovitunu omu va salamẽle.

¹² Asualali va va Filisiti va popia la Yonatão lukuenje waye ukuavimãleho vati, Lamanẽli kokuetu. Tu vu lekisa cimue. Yonatão wa popia lukuenje ukuavimãleho hati, Lamanẽli kokuetu. Tu vu lekisa cimue. Yonatão wa popia lukuenje ukuavimãleho hati, Ñuame vonyima, momo Yehova wa va eca povaka a va Isareli.

¹³ Oco Yonatão wa londako loku kuatelela lovaka, lukuenje ukuavimãleho wo kuama. Va Filisiti va kupukila kovaso a Yonatão, kuenje ukuavimãlẽho viaye wa malusula oku va ponda.

¹⁴ Ekundu liaco liatete lia Yonatão lukuavimãleho viaye lia soka lakui avali kalume. Lapa va fila pa kala patito calua.

¹⁵ Kuenje vocilombo, lovusenge waco, kuenda pokati komanu, peya ocinjoko calua. Ndaño asualali lava va tunda oku punda, vosi va luluma. Osi layovo ya luluma. Ocinjoko caco ca kãla enene.

¹⁶ Olondavululi via Saulu vo Geva, imbo lia Benjamini, via vanja, kuenje tala, owiñi wosi wa tuñayala ño, ava koku, ava koko.

¹⁷ Oco Saulu wa popia lomanu va kala laye, hati, Tendi omanu, kulĩhĩsi ava va tu tunda. Eci va tenda va limbuka okuti Yonatão lukuenje waye ukuavimãlẽho kaveko.

¹⁸ Saulu yu wa popia la Ahiya hati, Nena kulo efonde lia Suku. Momo kotembo yaco eye wambayata efonde kovaso a va Isareli.

¹⁹ Osimbu Saulu a kala loku vangula locitunda, ema vocilombo ca va Filisiti liamamako. Saulu wa popia locitunda hati, Upako eka.

²⁰ Oco Saulu lomanu va kala laye va likolisila, va enda kovita; kuenje tala, omunu omunu, osipata yaye ya pongolokela ukuavo. Ocipipikiti caco ca kãla enene.

²¹ Va Isareli, vana va kala ale la va Filisiti, haivo va lamanẽla kumosi lavo kocilombo cavo ndaño ovo va pongolokamo, veya konẽle ya va Isareli vana va kala la Saulu la Yonatão.

²² Kuenda vali alume vosi va Isareli vana va salamẽle vofeka yolomunda ya Efarimi, eci va yeva okuti va Filisiti va kasi oku tila oco lavovo va va kuama lonjanga vocilunga caco.

²³ Oco eteke liaco Yehova wa popela Isareli, lokulundula kuaco kua pitahãla ko Betavene.

²⁴ Eteke liaco va Isareli va sakalala enene momo Saulu wa lisinga lomanu hati, Omunu wosi o lia osimbu oñolõsi ka yeyile okuti sia fetuluinyile handi ovanyãli vange, omunu waco a siñalĩwe. Oco lomue omunu wa mãha kokulia.

²⁵ Omanu vosi veya vusenge, kuenje posi pa kala owiki.

²⁶ Eci omanu va iñila vusenge owiki wa kala loku loka, puãi lomue wa kapa eka komẽla momo omanu va kuatela usumba weiñalo.

²⁷ Yonatão puãi ka ci yevele eci so yaye a lisinga lomanu esingo liaco. Oco eye wa yava vocingo cowiki osungu yombueti ya kala peka liaye, wa kapa eka komẽla, ovaso aye yu a fetika oku tua.

²⁸ Oco umue kowiñi wa popia hati, So wa lisinga lomanu esingo li kola hati, Omunu wosi o lia etali a siñalĩwe. Lomanu va tava kesingo liaco.

²⁹ Yonatão wa popia hati, Tate wa talisa ofeka ohali. Tali ndomo ovaso ange a tua omo nda lia okawiki.

³⁰ Nda omanu va lile evi viovanyãli via sangiwa nda hĩse calua, omo cilo ekundu pokati ka va Filisiti ka lia luile.

³¹ Eteke liaco va kundula va Filisiti tunde ko Mikimasi toke ka ayalone. Omanu va lambuka calua.

³² Omanu va yolokela evi via pundiwa. Va nyañula olomeme lolongombe lolonale kuenje va vipãlẽla posi. Noke va vi lila kumosi losonde yaco.

³³ Oco va sapuila Saulu vati, Tala, omanu va kasi oku linga ekandu kovaso a Yehova omo va kasi loku lia losonde. Eye hati, Ene wa lingi usuanji. Niñuluili ewe linene.

³⁴ Saulu wa popia hati, Lisanduili pokati komanu. Popi lavo hoti, Omunu omunu a nene ongombe yaye pamue omeme yaye, a vi ipãile kulo loku vi lia. Ko ka lingili Suku ekandu poku lia losonde. Oco oñolõsi yaco omunu omunu wa nena ongombe yaye. Haiko va vipãila.

³⁵ Kuenje Saulu wa tungila Yehova utala. Utala waco owo utala watete eye a tungila Yehova.

³⁶ Noke Saulu hati, Oñolõsi tu lokili ku va Filisiti, tu va nyõla toke kociteketeke. Ka tu ka sie ndaño umosi. Ovo vati, Linga cosi ca ku sunguluka. Ocitunda puãi citi, Tu likutilili ku Suku.

³⁷ Saulu wa pula Suku hati, Ndokila ku va Filisiti ale? Ove o va eca povaka a va Isareli ale? Eteke liaco puãi ko kumbuluile.

³⁸ Kuenje Saulu hati, Ene asongui vomanu, kokeli. Kulĩhĩsi, limbuki ndomo ekandu liaco lia lingiwa etali.

³⁹ Momo ndeci Yehova, una o popela Isareli, o kasi lomuenyo, ndaño ci kala omõlange Yonatão, o fa muẽle. Puãi pokati kowiñi wosi womanu ka pa kaile umue wo kumbulula.

⁴⁰ Kovaso yaco wa popia la va Isareli vosi hati, Ene vu kala konẽle yimue, ame lomõlange Yonatão tu kala konẽle yimue, ame lomõlange Yonatão tu kala konẽle yimue, ame lomõlange Yonatão tu kala konẽle yimue, ame lomõlange Yonatão tu kala konẽle yikuavo. Omanu va popia la Saulu vati, Linga eci ca ku sunguluka.

⁴¹ Oco Saulu wa popia hati, A Yehova, Suku ya Isareli, nye kua kumbuluilile ukuenje wove etaili? A Yehova, Suku ya Isareli, nda ongole yi kasi kokuange pamue komõlange Yonatão, lekisa Urimi, puãi nda ongole yi kasi lomanu vove va Isareli lekisa Tumimi. Kuenje ca lekisua okuti Saulu la Yonatão ovo vakuangole, omanu va yovoka.

⁴² Saulu yu wa popia hati, Kaliye, imbi ocela pokati kange lomõlange Yonatão. Kuenje ocela ca veta Yonatão.

⁴³ Saulu wa popia la Yonatão hati, Sapuileko eci wa linga. Yonatão wo sapuila hati, Nda mãha okawiki nda yava vocingo losungu yombueti ya kala peka liange. Cilo amilo, ñuete oku fa.

⁴⁴ Saulu hati, Suku a ci ndingevo ame loku vokinyako, o fa muẽle, a Yonatão.

⁴⁵ Oco omanu va popia la Saulu, vati, Yonatão nga o fa? Lakamue! Siti eye wa yulisa va Isareli eyulo eli liakahandangala. Ndaño esinga limosi ka li tundi kutue waye oku lokila posi. Momo upange a linga etaili wa lingila kumosi la Suku. Oco omanu va popela Yonatão okuti ka file.

⁴⁶ Saulu yu wa liweka oku landula va Filisiti. Va Filisiti va tiukila kofeka yavo muẽle.

⁴⁷ Eci Saulu a viala va Isareli wa yaka lovanyãli vaye kolonẽle viosi, wa yaka la va Moavi, la va Amoni, kuenda va Edome, lolosoma via Cova, la va Filisiti, kuosi a endela wa va yula.

⁴⁸ Wa yaka lutõi, wa yula va Amaleke kuenje wa popela va Isareli povaka ava va va punda.

⁴⁹ Omãla valume va Saulu vava, Yonatão la Isivi kuenda Malikisua. Lomãla vaye vavali vakãi vava, nuñulu yaye onduko yaye eye Merava, umalẽhe waco onduko yaye eye Mukale.

⁵⁰ Ukãi wa Saulu, onduko yaye Ahinoma, eye omõla a Ahimasa. Kesongo liovita viaye, onduko yaye Avinere, eye omõla a Nere manja so ya Saulu.

⁵¹ Kisi, so ya Saulu, kuenda Nere, so ya Avinere, kavali kavo omãla va Aviyele.

⁵² Oloneke viosi viokovava a Saulu kua kala okuliyaka kua lua la va Filisiti. Tuli Saulu a mõla ulume wa pama pamue onõi wo vandeka kokuaye.