I ASAPULO 7 - Embimbiliya - Bíblia Sagrada em Umbundu

¹ Omãla va Isakare vava: Tola la Puva la Yesiuvu kuenda Simironi, vakuãla.

² Omãla va Tola vava: Usi la Refaya la Yeriyele la Yahimai la Yivisama kuenda Samuele. Ava ovo olosekulu viapata avo, ndokuti apata a Tola, haivo alume va pama vakuotoi kovitumbulukila viavo. Koloneke via Daviti, ovo va soka olohulukãi akuĩ avali la vivali lovita epandu komanu.

³ Omãla va Usi, Yisirahiya. Omãla va Yisirahiya vava: Mingeli la Ovadiya la Yoele kuenda Yisiya, vatalo, vosi olosekulu.

⁴ Kumue lavo, ndapata olosekulu viavo, kua kala ovitundo viasualali va soka akuĩ atatu lepandu violohulũkãi vialume, momo va kala lakãi valua lomãla.

⁵ Vangandiavo vokapata osi a Isakare, va soka akui ecelala lepanduvali violohũlũkãi vialume vapama vakuotoi ndomo va tendiwa vapata avo.

⁶ Omãla va Benjamini vava: Bela la Bekere kuenda Yediyaele, vatatu.

⁷ Omãla va Bela vava: Ecibone la Usi la Usiyele la Yerimote kuenda Iri, vatãlo. Ovo olosekulu viapata avo, haivo alume vakuotoi. Ndomo va tendiwa vapata avo, va soka olohulukãi akui avali la vivali lakui atatu lavakuãla komanu.

⁸ Omãla va Bekere vava: Semira la Yoasi la Eliyesere la Eliyoenai la Omiri la Yeremote la Aviya la Anatote kuenda Alemete. Ava vosi omãla va Bekere.

⁹ Ndoku sonehiwa kuapata avo, va soka akui avali kolohũlũkãi lovita vivali vialume. Ovo olosekulu viapata avo, haivo alume va pama vakuotoi.

¹⁰ Omãla va Yekiyaele, Bilihana. Omãla va Bilihana vava: Yewusi la Benjamini la Ehuda la Kenaana la Setana la Tarisisi kuenda Ahisiahara.

¹¹ Ava vosi omãla va Yediyaele, olosekulu viapata avo, haivo alume vakuotoi. Va soka ekui lepanduvali kolohũlũkãi lovita vivali vialume, veya voku yaka ovita.

¹² Siupi la Hupi, omãla va Ire. Husi, omãla va Ahere.

¹³ Omãla va Nafitali, vava: Yahiciyele la Guni la Yecere kuenda Sialume, omãla va Biliha.

¹⁴ Omãla va Manase, Asiriyele, wa citiwa lukama waye u Suria, haeye wa cita Makiri, isia ya Gileada.

¹⁵ Makiri wa kuela manja a Hupi la Siupi. Onduko yaye Maaka. Onduko yomõla wavali, Celofehada. Celofehada wa kala lomãla vakãi.

¹⁶ Maaka, ukãi wa Makiri, wa cita omõla, yu wo luka Peresi. Onduko ya manjaye Serese, omãla vaye Ulame la Rakeme.

¹⁷ Omãla va Ulame, Bedane. Ava ovo omãla va Glieada, omõla a Makiri, omõla a Manase.

¹⁸ Mukãi waye Hamolekete wa cita Isihode la Aviyesere la Mahala.

¹⁹ Omãla va Semida vava: Ahiyana la Sekeme la Likihi kuenda Aniyama.

²⁰ Omãla va Efarimi vava: Siutela, omolaye Berede, omolaye Tahate, omolaye Elada, omolaye Tahate,

²¹ omolaye Savada, omolaye Siutela, kuenda Esere al Eleada, haivo va ipaiwa lalume va Gati, vakuafeka yaco, momo va lokilako oku punda oviunda viavo.

²² Efarimi, isiavo, wa va lila oloneke vialua, kuenje vahuvaye lavamanjaye veya oku u lembeleka.

²³ Yu wa litokeka lukãi waye, kuenje we mina, wa cita omõla. Wo luka Beriya, omo a kala lohali vonjo yaye.

²⁴ Omolaye ukãi, Sera, haeye wa tunga Bete Horone yokombuelo leyi yokonano kuenda Usini Sera.

²⁵ Omolaye Refa, kuenda Resefe, omolaye Tela, omolaye Tahana,

²⁶ omolaye Laadana, omolaye Amihudu, omolaye Elisiama,

²⁷ omolaye Noni, omolaye Yehosua.

²⁸ Ovipiñalo viavo lovitumãlo viavo, vievi: Betele kumue lovaimbo aco, kuenda Naarana kutundilo la Gesere kutakelo kumue lovaimbo aco, kuenda Sekeme kumue lovaimbo aco, toke ko Asa kumue lovaimbo aco.

²⁹ Omãla va Manase va kala la Bete Siane kumue lovaimbo aco, la Taanake kumue lovaimbo aco la Megido kumue lovaimbo aco, la Dori kumue lovaimbo aco. Vovaimbo andeti, omo mua tunga omãla va Yosefe, omõla a Isareli.

³⁰ Omãla va Asiere vava: Yimena la Yisiwa la Yisiwi la Beriya kuenda Sera, mukãi wavo.

³¹ Omãla va Beriya, Heveri la Malikiyele, haeye sekulu ya Birisawiti.

³² Heveri wa cita Yafilete la Siomere la Hotama la Siuwa, mukãi wavo.

³³ Omãla va Yafilete vava: Pasake la Bimihala la Asiwata. Ava ovo omãla va Yafilete.

³⁴ Omãla va Siamere vava:. Ahi la Rohiga la Yehuva la Arama.

³⁵ Omãla va manjaye Helema vava: Cofa la Yimena la Selesi kuenda Amale.

³⁶ Omãla va Cofa vava: Suva la Harinefere la Siuwale la Beri la Yimira,

³⁷ la Becere la Hodi la Siama la Silisia la Yitirana kuenda Bera.

³⁸ Omãla va Yetere vava: Yefune la Pisipa la Ara.

³⁹ Omãla va Ula vava: Ara la Haniyele la Reciya.

⁴⁰ Ava vosi omãla va Asiere, haivo olosekulu viapata avo, alume va noliwa, va pama vakuotoi, haivo va velapo pokati kolombuale. Ndomo va tendiwa vapata avo, va soka olohulukãi akui avali lepandu kalume, va tela oku yaka kovita.