I ASAPULO 4 - Embimbiliya - Bíblia Sagrada em Umbundu

¹ Omãla va Yuda vava: Pereci la Heseroni la Karimi la Huru kuenda Siovale.

² Raya, omõla a Siovale, wa cita Yahate. Yahate wa cita Ahumai la Lahada. Alo o apata a va Corati.

³ Epata lia sekulu ya Etami lieli: Yesirele la Yisima la Yidibasi; onduko ya mukãi wavo, Haceleliponi,

⁴ kuenda Penuele, sekulu ya Gedore, la Esere, sekulu ya Husia. Ava ovo omãla va Huru, uveli wa Efirata, sekulu ya Beteleme.

⁵ Asihuru, sekulu ya Tekoa, wa kala lakãi vavali, Hela la Naara.

⁶ Naara wo citila Ahusama la Hefere la Temeni la Hahasitari. Ava ovo omãla va Naara.

⁷ Omãla va Hela, Cerete la Yicihare la Etinana.

⁸ Kosi wa cita Anuvi la Coveva lapata a Aharihele, omõla a Haruma.

⁹ Yavesi wa sumbiwa calua, vamanjaye ci sule. Inaye wo luka Yavesi, momo hati, ndo cita lolongembia.

¹⁰ Yavesi yu wa vilikiya ku Suku ya Isareli hati, Ndo tave oku sumuluisa ocili, loku tembulula olongave viange, eka liove li kale lame, ndave kuvi wosi oco si ka mole ohali! Kuenje Suku wa wiha eci a pinga.

¹¹ Keluvu, manja a Siuwa, wa cita Mehiri, haeye isia yEsitono.

¹² Esitono wa cita Bete Rafa la Paseha la Tehina, sekulu yimbo lia Nahasi. Ava ovo alume va Reka.

¹³ Omãla va Kenasi, Otiniyele la Seraya. Omãla va Otiniyele, Hatate.

¹⁴ Meonotai wa cita Ofira. Seraya wa cita Yoava, sekulu yocimbota colomesele, momo ovo olomesele.

¹⁵ Omãla va Kalembe, omõla a Yefune, vava: Iru la Ela la Naame, kuenda omãla va Ela la Kenasi.

¹⁶ Omãla va Yehalelele vava, Site la Sifa la Tiriya kuenda Asarele.

¹⁷ Omãla va Esira vava: Yetere la Mereda la Efere la Yalone. Ukãi wa Merada wa cita Miriame la Siamai la Yisiba, sekulu yEsitemo.

¹⁸ Ukãi waye u Yudea wa cita Yerede, sekulu ya Gedore, kuenda Heveri, sekulu ya Soko kuenda Yekutiyele, sekulu ya Sanoha. Ava ovo omala va Bitiya, omõla a Fareo, una Mereda a kuela.

¹⁹ Omãla vukãi wa Hodiya, mukãi wa Nahama, vava: isia ya Keila u Garama kuenda Esitemo u Maakati.

²⁰ Omãla va Simono vava: Aminone la Rina la Bene Hanana la Tiloni. Omãla va Yisi, Sohete la Benesohete.

²¹ Omãla va Sela, omõla a Yuda, vava: Ere, sekulu ya Leka, kuenda Laada, sekulu ya Maresia, kuenda apata avakuakututa ovalatanya, vakuepata lia Asibea,

²² kuenda Yokimi, lalume yo ko Koseva, kuenda Yoasi la Sarafa, vana va viala ko Moavi, kuenda Yasuvileheme. Asapulo andeti onahulu.

²³ Ava ovo olonungi violombia, haivo va tunga pokati kovapia loviumbo. Oko va tungile kumue la Soma, loku linga upange waye.

²⁴ Omãla va Simeone, vava: Nemuele la Yamini la Yarivi la Sera kuenda Saulu.

²⁵ Omõla a Saulu, Sialume; omolaye Mivisama, omolaye Misima.

²⁶ Omãla va Misima, Hamuele omolaye. Omolaye Sakuru, omolaye Simei.

²⁷ Simei wa kala lekui lepandu liomãla valume kuenda epandu liomala vakãi. Puãi vamanjaye ka va kaile lomãla valua. Epata liavo ka lia licitile ndili liomala va Yuda.

²⁸ Va tunga ko Bereseva loko Molada loko Hacare Siuale;

²⁹ loko Biliha lo kEceme loko Tolada;

³⁰ loko Betuele loko Horima loko Cikilage;

³¹ loko Betemakavoti loko Hacare Susimi loko Betebiri loko Siarai. Alo o ovaimbo avo toke koloneke viusoma wa Daviti.

³² Ovikanjo viavo vievi: Etami la Ayini la Rimone la Tokene la Asiana, vitalo;

³³ kuenda ovikanjo viosi vi lisungue lovaimbo aco, toke ko Baale. Evi ovio ovitumãlo viavo kuenda apata avo.

³⁴ Kuenda Mesiovava la Yamileke la Yosia, omõla a Amasiya;

³⁵ la Yoele la Yehu, omõla a Yosiviya, omõla a Seraya, omõla a Asiyele;

³⁶ kuenda Eliyoenai la Yaakova la Yesiohaya la Asaya la Adiyele la Yesimiele la Benaya;

³⁷ la Sisa, omõla a Sifi, omõla a Alone, omõla a Yedaya, omõla a Simiri, omõla a Semaya.

³⁸ Avandeti va tukuiwa kolonduko, ovo olombuale viapata avo kuenje ovaimo avo a licita calua.

³⁹ Va enda kocimbota ca Gedore, toke konele ya imba ovaso kutundilo, oku vanja owangu woviunda viavo.

⁴⁰ Kuenje va sanga anyala a posoka lowangu uwa, ofeka yaco ya tanda, haiyo yetulumuho kuenda yombembua; momo va Hama, ovo va tungilemo tete.

⁴¹ Vakualonduko via sonehiwa veyamo koloneke via Hesekiya, Soma ya Yuda, yu va nyõla olombalaka viavo, ndaño va Meunimi va kalamo, vosi yavo va va kundula pe toke etaili lilo, kuenje va piñalamo loku tungamo, momo mua kala owangu woviunda viavo.

⁴² Vamue pokati kavo, va Simeone, va enda komunda Seire. Ovo va soka ovita vitãlo vialume. Asongui vavo Pelatiya la Neariya la Refaya la Usiyele, omãla va Yisi.

⁴³ Kuenje va malusulapo ocisupe ca va Amaleke vana va tilile, yu va tungamo, toke etaili lilo.