I ASAPULO 27 - Embimbiliya - Bíblia Sagrada em Umbundu

¹ Ava ovo va Isareli, ndomo va tendiwa, ndokuti akulu vapata la vakesongo volohũlũkãi lava vovita, kumosi lasongui vana va vumba Soma oku songowaila ovisoko viava veyaiya osai kosãi, unyamo wosi. Ocisoko locisoko ca kala lolohũlũkãi akui avali lavikuala komanu.

² Usongui wocisoko catete, cosãi yatete, Yasioveama, omõla a Savidiyele. Vocisoko caye mua kala olohulukãi akui avali lavikuãla komanu.

³ Eye umue wopomala va Pereci, haeye usongui wa vakesongo vosi volohoka viokosãi yatete.

⁴ Usongui wocisoko cosaĩ yavali, Dodai u Ahoha. Vocisoko caye mua kalavo usongui Mikilote. Vocisoko caye mua

⁵ Kesongo liatatu liolohoka, viosãi yatatu, Benaya omõla ocitunda cinene Yehoyada. Vocisoko caye mua kala olohũlũkãi akui avali lavikuala komanu.

⁶ U eye Benaya, una wa linga onoi pokati kakui atatu, haeye wa tumĩla akui atatu. Omolaye Amisavada, eye wa kala locikele cocisoko caco.

⁷ Kesongo liakuãla kosãi yakuãla, Asahele, manja a Yoava, lu wa kuamamo Sevadiya, omolaye. Vocisoko caye mua kala olohũlũkãi akui avali lavikuala komanu.

⁸ Kesongo liatãlo, kosãi yatãlo, Siamihuta u Yisira. Vocisoko caye mua kala olohũlũkãi akui avali lavikuala komanu.

⁹ Kesongo liepandu, kosãi yepandu Ira, omõla a Yikesi, u Tekoa. Vocisoko caye mua kala olohũlũkãi akui avali lavikuala komanu.

¹⁰ Kesongo liepanduvali kosãi yepanduvali, Helece u Peloni, wopomala va Efarimi. Vocisoko caye mua kala olohũlũkãi akui avali lavikuala komanu.

¹¹ Kesongo liecelala kosãi yecelala, Sibekai u Husiati, umue pova Sera. Vocisoko caye mua kala olohũlũkãi akuĩ avali lavikuãla komanu.

¹² Kesongo liecea kosãi yecea, Aviyesere u Anatote, umue pova Benjamini. Vocisoko caye mua kala olohũlũkãi akui avali lavikuãla komanu.

¹³ Kesongo liekui kosãi yekui, Maharai u Netofa, umue pova Sera. Vocisoko caye mua kala olohũlũkãi akui avali lavikuala komanu.

¹⁴ Kesongo liekui la mosi, kosãi yekui la mosi, Benaya u piratoni, umue wopomala va Efarimi. Vocisoko caye mua kala olohũlũkãi akuĩ avali lavikuala komanu.

¹⁵ Kesongo liekui lavali kosãi yekui lavali, Helidai, u Netofa, ukuepata lia Otiniyele. Vocisoko caye mua kala olohũlũkãi akuĩ avali lavikuala komanu.

¹⁶ Asongui vapata a Isareli, vava: usongui wa va Ruvene, Eliyesere, omõla a Sikiri. Usongui wa va Simeone, Sefatiya, omõla a Maaka.

¹⁷ Usongui wa va Lewi, Hasiaviya, omõla a Kemuele. Usongui wa va Arone, Sadoke.

¹⁸ Usongui wa Yuda, Elihu, umue povamanja a Daviti. Usongui wa Isakare, Omiri, omõla a Mingeli.

¹⁹ Usongui wa Sevulono, Yisimaya, omõla a Ovadiya. Usongui wa Nafitali, Yeremote, omõla a Asiriyele.

²⁰ Usongui wa va Efarimi, Hosea, omõla a Asasiye. Usongui wonepa liepata lia Manase, Yoele, omõla a Pedaya.

²¹ Usongui wonepa yepata lia Manase ko Gileada, Ido, omõla a Sakariya. Usongui wa Benjamini Yahasiyele, omõla a Avinere.

²² Usongui wa Dani, Asariele omõla a Yerohama. Ava ovo asongui vapata a Isareli.

²³ Puãi vakuanyamo akui avali lava ka va pitililemo, Daviti ka va tendele momo Yehova wa popele hati, Ndi luisa Isareli ndolombungululu viokilu.

²⁴ Yoava, omõla a Ceruya, wa fetikile oku tenda, puãi ka malusuile, momo onyeño ya Yehova ya ci wengukilila Isareli, kuenje owiñi waco velivulu liasapulo a Soma Daviti, ka wa soneheluemo.

²⁵ Asimawete, omõla a Adiyele, eye ukuacikele covokuasi a Soma. Yonatana, omõla a Usiya, wa lava olosila vovapia kuenda vovaimbo anene la atito kuenda volombonge.

²⁶ Esiri, omõla a Keluvu, eye usongui wava va linga upange wovapia, woku lima.

²⁷ Simei u Rama, eye ukuacikele coviumbo viayuva. Savidi u Sifimi, eye ukuacikele covinyu via solekiwa volosila viaco.

²⁸ Baale Hanana u Gedere, wa lava oviti violiveira kuenda ovilemba via kala katapi. Yowasi ukuacikele colosila viulela,

²⁹ Sitirai u Siarono wa tata oviunda via lila ko Siarono. Siafata, omõla a Adilai wa tata oviunda via kala kovimbota.

³⁰ Ovili u Isameli wa tata olongamelo. Yehideya u Meronote wa tata ovimbulu.

³¹ Yasisi u Hagere wa tata oviunda violomeme. Vosi ava, ovo vakalei kovokuasi a Soma Daviti.

³² Yonatana, inanu ya Daviti, eye ondunguli, haeye ukualondunge haeye ukuavisonehua. Yehiyele, omõla a Hakimoni, wa kala kumue lomãla va Soma.

³³ Ahitofele, eye ondunguli ya Soma. Husiai, u Ariki, eye ekamba lia Soma.

³⁴ U wa kuama Ahitofele, Yehoyada omõla a Benaya, kuenda Aviatare. Yoava eye kesongo liolohoka via Soma.