I ASAPULO 25 - Embimbiliya - Bíblia Sagrada em Umbundu

¹ Kuenda vali Daviti lavakesongo volohoka va tepa vamue pomala va Asafe, la Hemani la Yedutunu, ha va imbi owanji lolohalupa lovisumba layundu. Ava va kala lovikele viupange waco vava:

² Pomala va Asafe, Sakuru la Yosefe la Netaniya kuenda Asarela, omãla va Asafe, haivo va songuilua la Asafe, ukuakuimba owanji ndocihandeleko ca Soma.

³ Pu Yedutunu, omãla va Yedutunu, Gedaliya la Ceri la Yesiaya la Hasiaviya kuenda Matitiya, epandu. Ovo va songuilua la isiavo Yedutunu, ukuakuimba owanji lohalupa, loku pandula loku sivaya Yehova.

⁴ Pu Hemani, omãla va Hemani, Bukiya la Mataniya la Usiyele la Sevuele la Yerimote la Hananiya la Nanani la Eliyata la Gidaliti la Romamitiesere la Yosibikasia la Maloti la Hotiri kuenda Mahasiote.

⁵ Ava vosi omãla va Hemani, ukuakusituluila Soma olondaka via Suku, loku kemainya unene waye. Suku wa iha Hemani ekui lavakuala komala valume kuenda omãla vatatu vakãi.

⁶ Ovo vosi va linga upange wonjo ya Suku kuenje va songuilua la isiavo, oku imba ovisungo layundu lovisumba lolohalupa, vonjo ya Yehova. Asafe la Yedutunu la Hemani va yevelaila ku Soma.

⁷ Ovo oku va tenda kumue la vangandiavo vana va longisiwa oku imbiwa Yehova ovisungo, haivo vakuoloño, va soka ovita vivali lakui ecelala lecelala komanu.

⁸ Ci kale ava vatito vanene, ci kale alongisi lolondonge, vosi yavo va imbila ovikele viavo ocela.

⁹ Ocela catete ca veta Asafe, ca linga ca Yosefe. Cavali ca veta Gedaliya, lavamanjaye lomãla vaye ekui lavavali.

¹⁰ Catatu va veta Sakuru, lomãla vaye lavamanjaye, ekui lavavali.

¹¹ Cakuala ca veta Yiciri lomãla vaye lavamanjaye, ekui lavavali.

¹² Catãlo ca veta Netaniya, lomãla vaye lavamanjaye, ekui lavavali.

¹³ Cepandu ca veta Bukiya, lomãla vaye lavamanjaye, ekui la vavali.

¹⁴ Cepanduvali ca veta Yesiarela, lomãla vaye lavamanjaye, ekui lavavali.

¹⁵ Cecelala ca veta Yesiaya, lomãla vaye lavamanjaye, ekui lavavali.

¹⁶ Cecea ca veta Mataniya, lomãla vaye la vamanjaye, ekui lavavali.

¹⁷ Cekui ca veta Simei, lomãla vaye lavamanjaye ekui lavavali.

¹⁸ Cekui la mosi ca veta Asarele, lomãla vaye lavamanjaye ekui lavavali.

¹⁹ Cekui lavali ca veta Hasiaviya, lomãla vaye lavamanjaye ekui lavavali.

²⁰ Cekui latatu, ca veta Siuvaele, lomãla vaye lavamanjaye ekui lavavali.

²¹ Cekui lakuãla ca veta Matitiya lomãla vaye lavamanjaye ekui lavavali.

²² Cekui latãlo ca veta Yeremote, lomãla vaye lavamanjaye ekui lavavali.

²³ Cekui lepandu ca veta Hananiya, lomãla vaye lavamanjaye ekui la vavali.

²⁴ Cekui lepanduvali ca veta Yosibikasia, lomãla vaye lavamanjaye ekui lavavali.

²⁵ Cekui lecelala ca veta Hanani, lomãla vaye lavamanjaye, ekui lavavali.

²⁶ Cekui lecea ca veta Maloti, lomãla vaye lavamanjaye, ekui lavavali.

²⁷ Cakui avali ca veta Eliata lomãla vaye lavamanjaye, ekui lavavali.

²⁸ Cakui avali lamosi ca veta Hotiri, lomãla vaye lavamanjaye, ekui lavavali.

²⁹ Cakui avali lavali ca veta Gidaliti, lomãla vaye lavamanjaye ekui lavavali.

³⁰ Cakui avali latatu ca veta Mahasiote, lomãla vaye lavamanjaye ekui lavavali.

³¹ Cakui avali lakuãla ca veta Romanitiesere, lomãla vaye lavamanajye, ekui lavavali.