I ASAPULO 24 - Embimbiliya - Bíblia Sagrada em Umbundu

¹ Ovisoko via va Arone, vievi: Omãla va Arone, vava: Nadava la Avihu la Eleasa kuenda Itamare.

² Nadava la Avihu, ovo va tetekela isiavo okufa, yu ka va kaile lomãla. Oco Eleasa la Itamare va kala komangu yutunda.

³ Sadoke, wopo va Eleasa, kuenda Ahimeleke, wopo va Itamare, kavali kavo Daviti wa va tepisa kovisoko, ndupange wavo.

⁴ Po va Eleasa pa sangiwa asongui valua, po va Itamare ci sule. Ovo va tepiwa ndomo: po va Eleasa pa kala ekui lepandu kovakulu vapata. Kuenda po va Itamare, pa kale ecelala kovakulu vapata.

⁵ Va tepiwa locela, ocisoko locisoko, momo kua kala asongui vocitumãlo ci kola lasongui va Suku, ci kale po va Eleasa, ci kale po va Itamare.

⁶ Usonehi Semaya, omõla a Netanele, haeye u Lewi, wa va sonehela kovaso a Soma lolombuale, lokovaso a Sadoke ocitunda, la Ahimeleke omõla a Aviatare lokovaso ovakulu vapata lovitunda la va Lewi. Va Eleasa va va nolelapo epata limue, va Itamare va va nolelapovo epata limue.

⁷ Ocela catete ca veta Yehoyarive, cavali Yedaya;

⁸ catatu Harimi, cakuãla Seori

⁹ catãlo Malikiya, cepandu Miyamine;

¹⁰ cepanduvali Hako, cecelala Aviya;

¹¹ cecea Yesiua, cekui Sekaniya;

¹² cekui lamosi Eliasivi, cekui lavali Yakimi;

¹³ cekui latatu Hupa, cekui lakuãla Yeseveava;

¹⁴ cekui latãlo Biliga, cekui lepandu Imere;

¹⁵ cekui lepandu vali Hesiri, cekui lecelãla Haficece;

¹⁶ cekui lecea Petahiya, cakui avali Yehesekele;

¹⁷ cakui avali lamosi Yakini, cakui avali lavali Gamulu;

¹⁸ cakui avali latatu, Delaya, cakui avali lakuãla Maasiya.

¹⁹ Va tukuilua ocikele coku iñila vonjo ya Yehova ndomo isiavo Arone a va ci sila, ndovihandeleko via wiha Yehova, Suku ya Isareli.

²⁰ Omãla vakuavo va Lewi, vava: Pomala va Amirama, Siuvaele, kuenda pomãla va Siuvaele, Yehideya.

²¹ Pu Rehaviya, pomãla va Rehaviya, Yisiya usongui.

²² Po va Yicihare, Selomoti. Pomala va Selomoti, Yahate.

²³ Omãla va Hevirone vava: watete Yeriya, wavali Amariya, watatu Yahasiele, wakuala Yekameama.

²⁴ Omãla va Usiyele, Mika. Pomala va Mika, Siamiri.

²⁵ Manja a Mika, Yisiya. Pomala va Yisiya, Sakariya.

²⁶ Omãla va Merari, Mahili la Musi. Omãla va Yahasiya, Beno.

²⁷ Omãla va Merari, haivo va Yahasiya, vava: Beno la Siohama la Sakuru kuenda Iviri.

²⁸ Pu Mahili, Eleasa, haeye ka citile omãla valume.

²⁹ Pomala va Kisi Yerahimele.

³⁰ Omãla va Musi, Mahili la Edere la Yerimote. Ava ovo omãla va Lewi ndepata liolosekulu viavo.

³¹ Ovo, ndeci vangandiavo omãla va Arone, va imbavo ocela kovaso a Soma Daviti la Sadoke la Ahimeleke lokovaso ovakulu vapata ovitunda la va Lewi. Eci oco va linga, ci kale lukulu wepata, ci kale lu o sule povamanjaye.